CIG Caixanova

Fin e benvidos

2010-12-02T12:01:00.001+01:00

Xa tedes a vosa disposición o espazo en internet da CIG novacaixagalicia. Un novo espazo en internet unificado para informarvos do que aconteza na nova empresa.

Pechamos así este blog que quedará como unha mostra do que vivimos os traballadores e traballadoras de Caixanova, de como foi xestionada nos últimos anos a que foi a maior entidade financeira galega e do traballo sindical desenvolvido pola CIG. Coa Caixanova desaparece este que foi o punto de encontro para moitos traballadores e traballadoras.

Ao mesmo tempo naceu un novo espazo unificado en internet para informarvos do que aconteza na nova empresa.

Dende o seis de decembro de 2007 foron 253 as novas que compartimos con vos, grazas por estar aí, a loita continua.

Rexeitamos o ERE, un paso cara a privatización

2010-11-30T22:29:00.000+01:00

O pasado día 29 de novembro nacía a nova entidade froito da fusión de Caixa Galicia e Caixanova. Media hora antes pechábase o período de consultas do ERE de extinción para 900 postos de traballo en Galiza. A CIG optou por non asistir á sinatura de constitución da nova entidade porque entende que se abre o camiño cara a súa inminente privatización, previa reconversión vía ERE.

A posta en marcha do decreto coñecido como FROB aprobado polo PSOE e PP en Madrid foi o pistolezado de saída para unha profunda reconversión do sector financeiro do estado. Denunciaba a CIG daquela que o decreto centralista condenaba ás Caixas de Aforros a un proceso de concentración, como paso previo a súa privatización. Todos os SIP en marcha son bancos que nun 60% dos casos teñen a sede en Madrid.

O pasado fin de semana José Luís Rodríguez Zapatero, despois de reunirse cos 37 grupos empresariais máis importantes do Estado destacaba dentro das reformas antisociais, a reconversión do sector financeiro, nomeadamente a reforma da LORCA (Lei estatal de Caixas) aprobada polo PSOE co apoio do PP. Na súa intervención á saída do acto Zapatero dixo textualmente: “La reforma de la Ley Orgánica de Cajas de Ahorros (Lorca) abre la puerta a estas entidades para transformar su naturaleza, convertirse en bancos, y captar capital privado".”.

A CIG defendeu durante o longo debate sobre o futuro das Caixas a fusión galega para evitar a súa desaparición baixo a premisa da “defensa do emprego, da galeguidade e do carácter social, é dicir manter a natureza xurídica das caixas en contra da privatización longamente reclamada polo FMI e a UE.

O apoio á fusión por parte da CIG produciuse logo de que o propio Alberte Núñez Feijoo asumira o compromiso público de que a entidade fusionada seguiría sendo unha Caixa.

Entrada de capital privado

Porén, os Estatutos recentemente aprobados polas Asembleas Xerais de Caixa Galicia e Caixanova coa oposición dos representantes da central sindical, contemplan a entrada de capital privado con dereitos políticos: a privatización deseñada polo PPSOE en Madrid.

Compromiso incumprido por parte de Feijoo de non utilizar medidas traumáticas

Alberte Núñez Feijoo asumiu tamén que durante a reestruturación non se aplicarían medidas traumáticas en materia de emprego, pero finalmente a saída do persoal excedente será vía Expediente de Regulación de Emprego, con prexubilacións e baixas incentivadas, co que Galiza perderá 900 postos de traballo directos, aos que habería que sumar o das empresas auxiliares.

Así mesmo, a través da Lei galega de Caixas aprobada polo Parlamento Galego en decembro de 2009, democratizábase o aceso aos órganos de goberno, unha garantía de renovación das direccións despois dos graves erros na xestión. Pero o Pacto PP-PSOE no parlamento galego blinda as actuais Direccións dunha e doutra entidade, que despois de recibir axudas públicas acordaron unha suba salarial para altos directivos.

A CIG ten denunciado tamén que mentres a nova Dirección vende participacións en empresas estratéxicas para Galiza, mesmo nalgunhas que naceron grazas a fortes investimentos públicos coma “R”, as Caixas aumentaron a participación en Sacyr, ou están financiando o metro de Madrid, mentres centos de pequenas empresas pecharon as súas portas en Galiza por falta de financiamento.

Por todo iso, a CIG non participou no acto inaugural de sinatura da escritura de constitución da nova Caixa Galega, dado que estamos ante a antesala do proceso de privatización da entidade, previo proceso de reconversión vía ERE.

Camareiro máis percebes...e páselle a factura ao FROB!!!

2010-11-26T17:46:00.006+01:00

Hoxe os integrantes dos Consellos de Administración de Caixa Galicia e Caixanova, así como as persoas que forman parte do organigrama directivo, seica compartiron un xantar de confraternidade no Hostal dos Reises Católicos en Santiago. Deberon celebrar a súa continuidade, mentres 1.230 compañeiros/as terán que marchar para o paro.

Non podemos corroborar nin desmentir a presenza dos representantes dos traballadores/as en ditos órganos de goberno pertencentes a CCOO e CSICA e polo tanto si estiveron sentados ao lado dos respectivos xefes de persoal (últimamente semellan mais cómodos a carón dos Directivos que nas asembleas de traballadores/as).

Segundo os ruxe-ruxe que circula o xantar non foi pizza, nin un menú de 8 euros.

Quen pagará a factura do suculento xantar?, moito nos tememos que o FROB, é dicir os contribuintes que involuntariamente ven como unha parte dos seus impostos van destinados a sanear entidades. Mentres os directivos, que piden dende a CECA mais recortes sociais, subense os salarios e continuan cunha vida a corpo de rei.

Oido cociña!!!: Non estaría nada mal un pouco de austeridade, reducción do número de directivos e dos seus salarios, nada de saídas multimillonarias de directivos a marxe do Pacto Laboral, menos gastos suntuosos e por favor, que mentres dure a restruturación que os Consellos de Administración non se fagan en paises exóticos como ata o de agora.

Por certo o luns pinchos e un viño español coa presenza de Feijoo I "O austero".

Os Comité de Empresa de Ourense aproban solicitar máis información.

2010-11-26T13:40:00.000+01:00

O pasado mércores o Comité de Empresa Provincial de Ourense e o Comité de Empresa de Servizos Centrais en Ourense (neste último teñen presenza CIG, UGT e CSICA), aprobaron por unanimidade dirixirse á Dirección de Caixanova para solicitar maior información da facilitada polas Caixas no proceso de consultas do Expedente de Regulación de Emprego.

Hoxe tivo lugar unha reunión do Comité de Empresa Provincial de Pontevedra, na que houbo sometida a votación a proposta, houbo un empate a 11 votos. Os representantes de CCOO e CSICA votaron en contra de solicitar maior información á empresa.

Comisións Control Plan de Pensións, propostas da CIG.

2010-11-25T19:37:00.002+01:00

Tal e como anunciamos previamente no documento 25 preguntas prexubilacións tiñamos intención de solicitar unha reunión das respectivas Comisións de Control do Plan de Pensións co fin de aclarar puntos relativos ás prexubilacións. Finalmente as citadas reunións tiveron lugar onte en Caixanova e hoxe en Caixa Galicia.

Aprobouse a posibilidade de retirar os plans de pensións en caso de prexubilación, pensamos que era bo facer unha consulta vinculante á Dirección Xeral de Seguros por parte de ambas Comisións. En todo caso solicitamos entre outras medidas a eliminación do 8% de penalización previsto nas especificacións dos plans de pensións para os casos de xubilación anticipada, somos da opinión que deberían ser as Caixas as que asumiran a diferenza.

Solicitamos en Caixanova a posibilidade de pasar do subplan I para o subplan II, así como incrementar para ese último plan a achega ao 5% do salario pensionable como en Caixa Galicia

Agardamos que ambas propostas sexan tidas en consideración. Así mesmo insistimos na necesidade de consolidar complementos, tal e como se fixo en Caixa Galicia, malia que nesa empresa seguimos sen ter información do alcance real do decidido no Consello de Administración.

25 preguntas e respostas sobre as condicións do persoal que queda conforme ao Acordo Laboral

2010-11-18T19:18:00.000+01:00

O prometido é débeda, aquí tedes unha pequena guia coas preguntas e respostas mais habituais sobre as condicións laborais do persoal que quedaría traballando na nova entidade.

25 preguntas e respostas persoal que queda

Publish at Calaméo or browse others.

A privatización das Caixas de Aforros

2010-11-18T09:57:00.003+01:00

A Dirección de Caixanova, que terá o timón da nova entidade por moito que se fale de paridade, apostou claramente por un SIP durante meses.

As declaracións do incompetente Miguel Angel Fernández Ordoñez, instando as Caixas que forman parte dun SIP a constituir urxentemente un banco e traspasar toda a actividade financeira ao mesmo, demostra que os SIP son un instrumento para privatizar as Caixas tal e como dixemos durante todo o debate sobre o futuro das Caixas. O instrumento polo que apostaba Caixanova e o PSOE, nomeadamente Abel Caballero, para as Caixas Galegas era a privatización pura e dura.

Os Estatutos da nova Caixa recollen a entrada de capital privado e a súa entrada nos órganos de goberno: accionistas privados, a privatización por outra vía.

Preguntados ao respecto na reunión mantida onte din que non renuncian a emisión de cotas participativas. Para que incluiron entón a emision de cotas participativas con dereitos políticos nos Estatutos da nova Caixa?.

As Caixas de Aforros do Estado Español estan sendo reconvertidas cun duro custe laboral, mais de 30.000 postos de traballo seran destruidos a través de ERES, como paso previo para ser privatizadas. Mentres na sanidade ou correos os sindicatos estan dando a voz de alerta a toda a sociedade, nas Caixas calan, agás a CIG, Colaboran e convértense en complices. Unha mansedume inexplicable.

Hai quen nos acusa de ter ideoloxía e alaban agora o sindicalimo "independente", querendo agocharlle aos traballadores e traballadoras a raíz do problema: somos reconvertidos para ser privatizados.

Presentada impugnación no MInisterio de Traballo

2010-11-16T08:42:00.003+01:00

O pasado día 11 de novembro as Caixas remitiron ao Ministerio de Traballo o inicio do período de consultas que a lexislación ordena en caso de Expedentes de Regulación de Emprego.

Onte presentamos impugnación diante da Dirección Xeral do Ministerio de Traballo, solicitando que ordene a ambas entidades retrotaerse ao inicio do proceso facilitanto á representación sindical a documentación pertinente e procedan a abrir o período de consultas explicando á respresentación sindical todo o referido ás causas do ERE e permitindo que a representación legal dos traballadores/as poda solicitar mais información ou que se aclaren as dúbidas que podan existir.

Así mesmo dirixímonos tamén á Consellería de Traballo, entendemos que malia a tramitación en Madrid, debería realizar un informe preceptivo. Tamén presentamos denuncia na Inspección de Traballo e solicitamos a mediación da mesma durante a negociación do ERE e das modificacións sustanciais das condicións de traballo.

O periodo de consultas non é un mero trámite, debemos negociar a inclusión de maiores garantías non contempladas no Acordo Laboral, tal e como está respaldando masivamente o persoal avalando de xeito masivo a recollida de sinaturas que estamos realizando dende o pasado martes.

Manifestacións contra a reforma das pensións Desaparición complementos salariais Medidas en marcha e asembleas

2010-11-15T12:28:00.004+01:00

Día 18: manifestacións contra a reforma das pensións e a reforma laboral

O vindeiro 18 de novembro a CIG convocou manifestacións en todas as cidades galegas contra a reforma das pensións (que tanto preocupa hoxe nas Caixas), contra a reforma laboral, e contra os orzamentos da Xunta de Galicia (que implican duros recortes sociais).

A Coruña: Praza de Vigo, ás 20 horas.

Santiago de Compostela: Praza Roxa, ás 20 horas.

Ourense: Pavillón dos Remedios, ás 20 horas.

Ferrol: Avenida de Esteiro (local da CIG), ás 20 horas.

Lugo: Ronda da Muralla, 58, ás 20:30 horas.

Pontevedra: Praza da Ferrería, ás 20 horas.

Vigo: Vía Norte, ás 20 horas.

A Unión Europea está implantando medidas antisociais e recortes laborais en todos os estados membros; o español, despois da maior contrarreforma laboral, prepara agora unha reforma do sistema público de pensións pola vía do alongamento da idade de xubilación e un endurecemento dos baremos para o cálculo das prestacións que levará a un recorte nas mesmas. Medidas que afectan aos prexubilables, pero tamén ao resto.

É hora de defender os dereitos sociais e laborais, participa nas manifestacións da CIG.

Desaparición complementos, posible conflito colectivo CPAR

Estamos á espera de que RRHH de Caixa Galicia nos informe sobre o alcance dos acordos do Consello de Administración que afectan a complementos salariais vixentes nesa empresa. O que algúns celebran con alborozo apuntándose o tanto, non é máis que a decisión da Dirección de que desaparezan determinados complementos salariais. Nalgún caso (no CPAR), tiñamos anunciado nas asembleas de Santiago ou Ribeira que esa era a intención da Caixa, que entendíamos que podía ser irregular e que xa estudamos un posible conflito colectivo. O acordo contempla a desaparición dos complementos funcionais e agrupación do resto.

O CPAR é un complemento de posto de traballo (non un complemento funcional), que non figura como agrupable. Defendemos pois a súa vixencia.

Medidas en marcha, denuncias, solicitude mediación e recollida de sinaturas

Temos presentado denuncia ante a Inspección de Traballo e a Consellería de Traballo, polo que consideramos irregularidades na presentación do ERE, e solicitando a mediación. É a nosa intención tratar de negociar maiores garantías para todo o persoal durante a tramitación do ERE. Se todos os sindicatos dicimos que estamos por maiores garantías, este é o momento de demostralo, negándonos a darlle o visto bo ao ERE da Dirección se non se acepta polas caixas a súa inclusión.

Como respaldo a esta posición dende o pasado martes 9 de novembro estamos recollendo sinaturas polas oficinas para solicitar que as Caixas inclúan maiores garantías non contempladas no acordo.

Asembleas traballadores e traballadoras: o 16 en Ferrol e o 23 na Coruña

Mantense a asemblea de traballadores/as convocada para o día 16 de novembro ás 17:30 horas en Ferrol no local da CIG.

A asemblea da Coruña, debido a que a Dirección convocou a reunión do ERE o mesmo día a mesma hora, cambia de data para o vindeiro día 23 de novembro ás 17:30 horas no Edificio Sindical local (Alfonso Molina s/n) na 8ª planta.

Converten a tramitación do ERE nun top manta

2010-11-12T09:08:00.003+01:00

O día 11 de novembro, ambas Caixas reuniron aos representantes dos traballadores/as para iniciar o ERE, na reunión todos os delegados gardaron silencio, agás os da CIG que tamén falaron claro no exterior concentrándose na porta do local.

Todos delegados e delegadas das Seccións Sindicais da CIG en Caixa Galicia e Caixanova asistimos á reunión e previamente concentrámonos diante do local nunha sonora protesta. A concentración estivo presidida por unha pancarta co lema "Por un plan de futuro negociado para as Caixas de Aforros; en defensa do emprego, a galeguidade e o caracter social". Os participantes levaban carteis co lema "Os negocios indecentes que non o paguen os inocentes; Ere extintivo para o equipo directivo".

Presenza de antidisturbios no interior do local onde se presentou o ERE

As Direccións solicitaron a presenza de 20 antidisturbios que estiveron dentro do local no que se ía celebrar a reunión cos delegados/as. Non sabemos cal foi o motivo que levou a Dirección a pedir que os antidisturbios dentro do local é a primeira vez que negociamos baixo a presenza de persoas armadas un feito que consideramos moi grave. Non sabemos si trataban de amedrentar aos delegados e delegadas, dende logo non o conseguiron. Neste senso pediremos explicacións ao subdelegado do goberno.

Converten a reunión nun "top manta".

Na reunión, unhas persoas que nin se presentaron, algo que lle dixemos era unha falta de educación, espuxeron que daban inicio ao proceso formal do ERE, que nos puxeramos en cola para recoller un CD, asinando un documento no que dicían que nos facilitaban a documentación que corresponde legalmente (memoria do ERE, plan social, información económica, etc.). Unha vez feita a entrega pretendían levantar a reunión sen máis.

Protestamos formalmente por converter a reunión nunha cola dos delegados/as para recibir un CD (non sabemos se estaban adestrándonos para a cola do INEM).

Solicitamos que se nos fixera entrega da documentación física para poder analizala e comezar a negociación formal do ERE no mesmo acto.

Pedimos que nos aclarasen se o ERE era por causas económicas ou organizativas. Que desen as explicacións legais pertinentes.

Pedimos que se nos explicase a que empresa afectaba o ERE: Caixa Galicia, Caixanova, a ambas ou a unha empresa que aínda non existe.

A resposta con chulería e prepotencia foi que toda a documentación a tiñamos no CD, e que o que procedía era unha nova reunión para o día 17 ás 5:30 da tarde, curiosamente o mesmo día que a CIG ten convocada unha asemblea de traballadores/as na Coruña.

Entendemos que o ERE debe ser negociado e que estamos ante un cúmulo de despropósitos e irregularidades, polo que solicitaremos a mediación da Inspección de Traballo e poremos en coñecemento da Xunta de Galicia e do Ministerio de Traballo as irregularidades na tramitación do mesmo.

Quixeron converter a tramitación do ERE nunha procesión dos caladiños, pero a CIG non llo vai permitir.

25 preguntas e respostas sobre as prexubilacións vía ERE do pacto laboral

2010-11-10T09:31:00.003+01:00

25 preguntas e respostas sobre as prexubilacións ERE Caixas Galegas

Publish at Calaméo or browse others.

11 de novembro: Magosto e "castañazo" das caixas comeza o ERE

2010-11-05T13:53:00.000+01:00

A Dirección de Caixanova convocou o vindeiro día 11 de novembro ás 10:30 horas da maña a todos os representantes do persoal na Aula de Cultura Caixa Galicia na Carreira do Conde en Santiago de Compostela.

O orde do día da reunión é o seguinte:

-Expedente Administrativo de Regulación de Emprego.

-Expedente de modificación sustancial de condicións traballo.

-Inicio do período de consultas.

-Entrega de documentación.

-Solicitude de Informe.

Pois iso que o día do magosto, a Caixa mandou o "castañazo" .

Facendo fronte ás decisións da Dirección

2010-11-04T16:59:00.002+01:00

Malia o peche en falso da negociación, temos claro que o peor do proceso de reestruturación está por vir, e que o conflito laboral non fixo máis que comezar. Non estamos parados, nin moito menos, e a maiores das asembleas que estamos celebrando, temos en marcha medidas de presión contra as Direccións.

Requirimento da Inspección de Traballo

Con carácter previo ao inicio das negociacións, presentaramos unha denuncia ante a Inspección de Traballo relativa a falta de información sobre o impacto laboral da fusión. Recibimos agora, con meses de retraso, contestación da Inspección de Traballo indicándonos que requiriron ás Direccións de Caixa Galicia e Caixanova para que faciliten a información pertinente, lembrándolles a Inspección o deber de informar á representación sindical.

Ante esta contestación favorable da Inspección, agardamos recibir de ambas empresas información das oficinas afectadas polos peches, os departamentos de servizos centrais que tamén se verán afectados e as oficinas en venda.

Mobilizacións en Caixanova e Caixa Galicia 28 outubro, 2 e 3 novembro

O ERE das Caixas será un argumento para poder presentar ERE’s extintivos nas empresas auxiliares e de servizos.

Nestes momentos estamos deseñando un calendario común de mobilizacións con estes compañeiros/as, para facer fronte ao proceso de desmantelamento, liquidación, venda e privatización das Caixas que afecta a uns e a outros.

Así mesmo, o día 3 de novembro a CIG manifestouse en Santiago contra os orzamentos da Xunta de Galicia que contemplan recortes en servizos básicos como educación, sanidade e en todas as parcelas de servizos sociais.

Nesta mobilización estivemos presentes as Seccións Sindicais da CIG en Caixa Galicia e Caixanova, concentrándonos diante da Xunta de Galicia con pancartas contra o desmantelamento, liquidación, venda e privatización das Caixas.

Adianto do pagamento da RCR

2010-10-28T20:10:00.001+02:00

Hoxe RRHH comunicou á representación sindical que tanto o pago da RCR parte fixa, como da parte variable adiantarase ao mes de novembro previa autorización por parte do Banco de España "sic".

No referido a variable xa deron instruccións aos responsables para axilizar as valoracións, evitando problemas que podan adiar o seu pago.

Pois iso, que para adiantar o pago da nómina seica piden permiso a MAFO.

Pd. é de entender polo tanto que a suba salarial do Comité da Alta Dirección foi autorizada tamén polo BdE.

Alternativas da CIG ante o Pacto Laboral

2010-10-22T14:58:00.001+02:00

Hai un pacto asinado si, pero aínda queda camiño por andar. O famoso ERE debe ser tramitado oficialmente e para iso deberá ser sometido aos distintos Comités de Empresa e as distintas Seccións Sindicais. Posteriormente deberá ser aprobado pola Autoridade laboral e poderemos facer alegacións, por último sempre cabe a valoración dun recurso xudicial. Queda o segundo round. Nas eleccións sindicais que están convocadas en Caixa Galicia xogámonos moito máis do que parece: se os resultados mudan a representatividade sindical o ERE pode non ser aprobado.

Malia que as Caixas remitirán o ERE ao Ministerio de Traballo, entendemos que debería contar co informe previo da Xunta de Galicia. En todo caso e á espera da tramitación definitiva, a CIG , anticipándonos ás Direccións, puxémonos en contacto co BNG que interpuxo no Parlamento Galego varias proposición dirixidas ao Goberno Galego.

Estas proposicións están referidas ao impacto sobre o emprego, a que se garanta a voluntariedade real nas medidas ou a que exista un compromiso de que os recortes en emprego directo non sexan utilizados para subcontratar e/ou deslocalizar fóra de Galiza a carga de traballo.

Estamos preparando conxuntamente outras iniciativas, algunha delas relacionada cos desinvestimentos que inclúen a venda de oficinas. Isto non substitúe as actuacións que realizaremos como CIG cando o ERE sexa presentado oficialmente.

Pero a nosa Central sindical tamén ten anunciado que, se o Goberno continúa coa reforma das pensións e non retira a reforma laboral, algo que preocupa nomeadamente aos/ás maiores de 55 anos debido a falta de garantías nas prexubilacións, a CIG avaliará a convocatoria dunha NOVA FOLGA XERAL aínda que teñamos que facela en solitario e por suposto sen agardar a que a reforma estea aprobada. Debemos reivindicar garantías, pero o primeiro é loitar contra as reformas.

Do mesmo xeito estamos estudando, e queremos compartir convosco, a posibilidade de convocar unha manifestación de traballadores e traballadoras das Caixas que se realizaría un sábado en Santiago para que xuntos podamos facernos visibles. Hai outros sectores afectados incluso por leis xa aprobadas que están dando a batalla, como os compañeiros/as do carbón. Ese é o camiño: defender na rúa os nosos dereitos socializando o conflito. A resignación ou o medo non deberían ter cabida na linguaxe sindical.

A CIG avaliará a convocatoria dunha nova folga xeral se o goberno persiste na reforma das pensións e non retira a laboral

2010-10-22T08:32:00.000+02:00

A CIG anunciou esta mañá, en rolda de prensa, a convocatoria de mobilizacións no mes de novembro, para exixir novamente a retirada da reforma laboral, para demandar que non se leve a cabo a reforma das pensións e para demandar medidas estruturais dirixidas a mudar o actual modelo económico neoliberal, por outro máis xusto e sustentábel. O día 3 de novembro, está convocada unha asemblea nacional de delegados, que rematará cunha manifestación en Compostela, e o día 18 celebraranse manifestacións en todas as cidades, entre as 19:00 e as 20:00 horas.

Suso Seixo, secretario xeral, adiantou que se iniciarán contactos con CCOO e UGT para trasladarlles a disposición da CIG de continuar coas mobilizacións e mesmo convocar unha folga xeral e para coñecer a súa opinión ao respecto. Neste sentido, sinalou que a central sindical analizará, en función da resposta ás mobilizacións convocadas en novembro e dos resultados das conversas con estas organizacións sindicais esa posibilidade, porque dixo “é algo moi serio, que non se pode facer á lixeira”.

En todo caso, advertiu que “se a situación se mantén e se a reforma das pensións se leva a cabo, tal e como se prevé, en decembro, ou a principios de ano, a CIG avaliará, tendo en conta todas estas variábeis, a convocatoria dunha folga xeral mesmo de forma unilateral”.

De facer esa convocatoria en Galiza sen contar con CCOO e UGT, a CIG valoraría a posibilidade de facela coincidir con folgas xerais noutras nacións do estado.

Para Suso Seixo, o éxito da recente folga xeral demostrou que, malia o contexto no que se convocaba, mesmo cando xa estaba aprobada a reforma laboral, os traballadores e traballadoras depositaron a súa confianza nas centrais sindicais, que teñen agora que estar á altura das circunstancias e seguir dando resposta aos ataques do goberno contra a clase traballadora. “Facer outra cousa, sería xerar a frustración e traizoar esa confianza”.

Reforma laboral

O secretario xeral da CIG cuestionou a “actitude intransixente” do goberno e a súa falta de sensibilidade coas demandas sociais. Actitude que contrasta coa submisión que amosa diante das exixencias do capital financeiro canalizadas a través do FMI, do que lembrou que acaba de pedirlle ao estado español que flexibilice aínda máis o mercado laboral e un Plan B, por se fora necesario aplicar novos recortes. “Non nos sorprende este escenario, por iso cremos que fronte á imposición dun modelo económico e social como este hai que continuar coas mobilizacións”.

Seixo tamén sinalou que coa remodelación do goberno non se van mudar as políticas, afirmando que “non dependen de Valeriano Gómez –o novo Ministro de Traballo-, son políticas do goberno e do partido que o sustenta”.

Aínda así, anunciou que a CIG solicitará unha entrevista co novo Ministro, para manifestar “a oposición da central sindical ás reformas e a nosa firme disposición a seguir mobilizándonos”. Unha entrevista que entende que tería que ser o propio Ministro quen a solicitara, “para coñecer a opinión das centrais sindicais máis representativas, e a CIG é unha delas”

Reforma das pensións

Respecto da reforma das pensións, coa que se pretende atrasar a idade de xubilación e aumentar o período de cálculo denunciou que desde os diferentes medios estase a dar voz a aqueles que afirman que se trata dunha reforma inevitábel para xustificala. Como exemplo puxo as informacións nas que se recolle a opinión do Grupo dos 100 economistas, que dependen dunha Fundación controlada pola Banca e as grandes empresas multinacionais españolas.

Fronte a isto, demandou tanto aos medios de comunicación como ao propio goberno que se fagan eco tamén daqueles outros estudos independentes que demostran que está garantida a sostibilidade da caixa da Seguridade Social e, polo tanto, o sistema de pensións.

Mobilizacións en Francia

Respecto do éxito que están a ter as mobilizacións en Francia, Suso Seixo afirmou que están plenamente xustificadas e que dado o calado das reformas que xa se nos impuxeron e as que se nos pretenden impor en breve “teríamos aquí moitos máis motivos para mobilizarnos que os franceses”.

Neste sentido alertou de que o espírito que subxace en todas as reformas é precarizar máis o mercado laboral, favorecer o incremento da xornada e seguir rebaixando os salarios, algo que posibilita a reforma laboral ao permitir o descolgue dos convenios para incumprir as cláusulas de revisión salarial. Todo isto, co obxectivo último de reducir até nun 25% os salarios no ámbito do estado, para favorecer as exportacións, abaratando os prezos dos produtos, a custo dos traballadores.”

Agora aparece diñeiro...e a crise non afecta as cúpulas que siguen forrándose

2010-10-20T08:38:00.001+02:00

Despois de que as Dirección utilizasen durante a negociación do pacto laboral a dificil situación económica e os minguantes beneficios, unha vez asinado fan un novo pronóstico e prevén unha suba de beneficios do 50% despois da fusión. Un engano masivo aos traballadores e traballadoras.

Por outra banda despois de recibir inxentes axudas públicas e destruir 20.000 postos de traballo no proceso de reconversión do sector (40 das 45 Caixas estan en procesos de concentración), hoxe coñeceuse o "Informe de responsabilidade corporativa das Caixas de Aforros", no que informan que as altas direccións das Caixas cobraron 134,47 millóns de euros no 2009, aos que hai que engadir o que cobran por participar en órganos das empresas participadas. No 2007 ano no que estopou a crise financeira cobraban 136 millóns. Hai queda iso.

O acordo laboral (I)

2010-10-19T14:02:00.000+02:00

A semana pasada as Caixas comunicáronnos que estaban valorando unha posible reunión da mesa negociadora, algo que semella non terá lugar. Entendemos que debería ser convocada xa que o “acordo” non foi sometido á mesma e polo tanto hai un grave defecto de forma. Agardabamos a convocatoria para ver se quedaba marxe para negociar e para dar nosa contestación.

En relación ao pacto hai que facer historia, retrotraernos aos días 27 e 28 de setembro, datas nas que se celebraron asembleas nas cidades de Vigo e Ourense, que estaban previstas tamén noutras cidades. As asembleas falaron e foron claras, había que seguir negociando para conseguir mellorar o acordo, algo que a CIG compartiu e defendía plenamente.

O día 29 de setembro, Galiza viviu unha importantísima xornada de folga xeral e o día 30 anunciouse na mesa un acordo que, tal e como alí dixemos, era incompleto, ambiguo en canto aos compromisos, e aberto a interpretacións unilaterais por parte das caixas.

Moito se está a falar do ERE, de xeito moi malintencionado, especialmente polas cúpulas directivas de ambas entidades que son as responsables. Os ERE’s, con carácter xeral, os promoven as direccións das empresas e os sindicatos combatémolos e tentamos minimizar o seu impacto. Son as direccións das Caixas as que promoven o ERE pero se parapetan na representación sindical. Logo, aínda teñen a cara de criminalizar aos sindicatos ante a folga xeral, como fixo Caixa Galicia.

A CIG non era partidaria dun ERE (pensamos que o resto dos sindicatos tampouco) pero ante as bendicións dos Goberno Central, Autonómico e do BdE, a única alternativa real era tentar minimizar o seu impacto. Así o intentamos sen éxito debido á firma precipitada do acordo. Quedaba marxe para a negociación, como demostrou que nunha acta posterior incluirán, imaxinamos que avergoñados, garantías para o persoal da obra social e Fundación.

Agora estase a crear unha cultura do medo en torno ao pacto: medo para que a xente marche e medo para que a xente non marche. Para a CIG ese non é o camiño, pensamos que temos aínda a posibilidade de conseguir maiores garantías. Que as Caixas valorasen reunir novamente a mesa é unha proba, non teñen todas consigo.

Estamos tendo problemas para poder convocar asembleas nas cidades, pero farémolo, e temos previsto convocar unha asemblea nacional de traballadores/as das Caixas para propoñervos medidas co fin de mudar as cousas, nun proceso no que podemos gañar se contamos con aliados na sociedade fronte o desmantelamento, liquidación, venda e privatización das Caixas.

Por último, transmitir ao persoal maior de 55 anos que, dende a proposta de prexubilación que realicen as Caixas, terán 90 días para contestar; neste senso, o tempo pode clarificar parte dos puntos escuros (a reforma das pensións da que todo o mundo fala, pero tamén a recentemente anunciada reforma do INEM, que pode afectar reducindo ás prestacións ou a tamén anunciada reforma da fiscalidade que pode afectar ás indemnizacións dos ERE’s). Se se dan estas reformas é de entender que CIG, CCOO e UGT opoñerémonos a elas con carácter xeral e, polo tanto, deberíamos traballar conxuntamente nas Caixas para previr as súas consecuencias.

Ao persoal que queda, dicirlle que o pacto laboral inclúe baixas incentivadas (dentro do ERE); o día 27 de setembro mantiñamos a oposición conxunta a esta medida e a nosa postura non mudou o día 30. Como tamén recolle mobilidade xeográfica sen as garantías que solicitabamos (a mobilidade forma parte do ERE e polo tanto non é voluntaria). En materia de retribucións e outras materias o texto é ambiguo e, polo tanto, aberto a interpretacións. Semella que as Caixas queren gardarse na carteira posibles recortes se as contas dentro duns meses seguen sen cadrar.

A situación é difícil e complexa, pero non todo está pechado nin perdido.

A CIG reitera o apoio á fusión pero rexeita o proceso de venda e privatización argallado polas cúpulas das caixas e a Xunta

2010-10-18T22:21:00.000+02:00

Ducias de delegados e delegados da CIG concentráronse na tarde do luns 18 de outubro diante da sede da Fundación Caixa Galicia en A Coruña e do Centro Socio Cultural de Caixanova en Vigo para denunciar o desmantelamento, liquidación e privatización das caixas galegas. As protestas desenvolvéronse de xeito simultáneo en ambas cidades coincidindo coa celebración das asembleas xerais de Caixanova e Caixa Galicia, nas que a CIG reiterou o seu apoio á fusión das caixas, mais denunciou o proceso deseñado polas cúpulas das entidades para garantir a súa propia continuidade sen ter en conta os miles de empregos que se van destruír nin a precarización que supón para o conxunto dos traballadores e traballadoras o plan de integración e o acordo laboral.

A continuación reproducimos a intervención da CIG nas asembleas xerais de Caixa Galicia e Caixanova:

Oposición á cobertura de vacantes e á continuidade dos actuais conselleiros xerais

A CIG oponse a cobertura de vacantes nas actuais asembleas e á continuidade dos actuais conselleiros xerais do Consello de Administración e das actuais cúpulas directivas e dos seus equipos. Os traballadores e traballadoras de Caixanova e Caixa Galicia cumpriron fielmente coas instrucións recibidas por parte da Dirección das Caixas; se hoxe as entidades afrontan un difícil proceso de reestruturación, é debido a unha mala xestión que non é imputábel en ningún caso ao persoal das mesmas.

As cúpulas directivas de Caixa Galicia e Caixanova son as responsábeis da situación e pedimos que asuman a súa responsabilidade. Cabe lembrar que foron eles quen anunciaron a imposibilidade de seguir en solitario, debido a situación económica e, posteriormente, forzaron unha modificación legal para poder manterse nos seus postos máis alá do límite legalmente establecido.

Deste xeito, impediuse a democratización e profesionalización dos órganos de goberno e a implantación dun novo modelo de xestión que permita superar os erros que nos levaron á situación actual. Os altos cargos responsábeis da destrución de 1.200 postos de traballo directos, 900 en Galiza, continuarán nos seus postos sen asumir responsabilidades.

E hai que dicir que a saída de 1.200 compañeiros/as que, insistimos, só traballaron fielmente e máis alá do esixíbel a favor de ambas entidades, é pola porta de atrás. Cunhas condicións enganosas e sen garantías. As Direccións pretenderon presentar a estes compañeiros/as como os responsables do futuro da entidade; só coa súa saída, coa destrución de 1.200 postos de traballo, a nova Caixa poderá ser viábel e solvente cara ao futuro. Ante isto, nós dicimos que a entidade será viable e solvente se son apartados do seu cargo os malos xestores e os seus respectivos equipos.

Así mesmo, o persoal que continuará na entidade poderá verse afectado polas baixas incentivadas (despedimentos pagados) ou mobilidade xeográfica, o que pode provocar o desarraigo social e familiar de moitos compañeiros/as. As condicións pactadas encobren posibles recortes laborais ao arbitrio futuro da Dirección “se as circunstancias económicas o requiren”.

Por todo isto, a CIG non pode máis que votar NON á continuidade dos actuais órganos de goberno e por correspondencia anuncia que votaremos NON a estas medidas.

A CIG vota en contra do Deseño do Plan de Integración e dos Estatutos da nova Entidade

O Plan de Integración pon en evidencia que non estamos ante un proceso de fusión, estamos ante un auténtico proceso de desmantelamento, liquidación, venda e privatización de Caixanova e Caixa Galicia.

Desmantelamento pola vía dunha reconversión da entidade, co peche de 300 oficinas de Caixanova e Caixa Galicia (200 delas en Galiza), e unha redución drástica dos Servizos Centrais, que non responden a unha lóxica dunha fusión, non é froito das duplicidades, xa que teñen como obxectivo a destrución de 1.200 postos de traballo (900 en Galiza) para que a redución de custes permita facer fronte aos pagos ao FROB.

Venderanse tamén lotes de oficinas ao mellor postor, incluíndo á clientela e aos traballadores e traballadoras. A día de hoxe non sabemos o número dos centros de traballo afectados, pero finalmente o axuste laboral pode afectar a máis de 500 oficinas e a 1.500 postos de traballo.

A este impacto sobre o emprego, hai que sumar os empregos das empresas auxiliares e de servizos. Sen que existan garantías para o persoal afectado.

E malia o duro proceso de reconversión contemplado no Plano de Integración, a Dirección non quixo asumir o compromiso de non externalizar e deslocalizar a carga de traballo, que actualmente realizaba persoal das entidades en Galiza, para fóra do país. Este é un feito que xa se está a dar no Banco Gallego, do que o seu principal accionista é Caixanova, que está a desmantelar os Servizos Centrais que ten na Coruña mediante traslado a Madrid e exteriorización a outras empresas de varios departamentos. Galiza pagará un alto custe laboral froito da mala xestión das actuais cúpulas directivas.

E dicimos tamén liquidación, dado que o plan de integración inclúe a venda de 13.000 millóns de activos, que teñen como fin amortizar as débedas con terceiros, pero que levará a unha descapitalización da entidade coa que tratan de xustificar unha posterior entrada de capital privado e polo tanto a privatización.

A venda dos activos encargouse á norteamericana Goldman Sachs, empresa acusada de fraude pola SEC (Comisión Nacional do Mercado de Valores de EEUU). Os desinvestimentos poden afectar gravemente a empresas e sectores estratéxicos para Galiza, toda vez que se realizarán por meros criterios de rendibilidade e sen ningunha perspectiva do impacto económico, social e laboral no país.

E por último, dicimos privatización, dado que os Estatutos da nova entidade prevén a entrada de capital privado a través da emisión de cotas participativas con dereitos políticos, é dicir, a entrada de accionistas. Os propios Estatutos contemplan tamén dereitos políticos para os coto-partícipes, e terán como consecuencia a redución da presenza doutros colectivos nos órganos de goberno da entidade.

Estamos ante a entrada de accionistas na Caixa de Aforros e polo tanto a súa conversión nun banco privado. Os beneficios que ata hoxe revertían na sociedade a través da Obra Social favorecendo a inclusión social, e nos investimentos en sectores e empresas estratéxicos para o país, reverterán agora nos petos dos accionistas.

En definitiva, o que se propón non é o proceso de fusión co que a CIG se manifestou publicamente de acordo e polo que continuamos apostando. Proponse un proceso de desmantelamento da capacidade produtiva e unha posible deslocalización dos centros de traballo; unha liquidación e venda dos activos da entidade e por último, a privatización da entidade resultante. Dicimos SI a unha gran Caixa de Aforros Galega, pero dicimos NON ao que consideramos un engano sen precedentes á sociedade galega.

Non gañou Vigo, non gañou A Coruña, nin gañou Galiza; gañaron os malos xestores que se verán perpetuados no seu cargo e aqueles accionistas que poderán comprar a nova entidade a prezo de saldo.

Por todo isto, a CIG reitera que está a favor da fusión de Caixa Galicia e Caixanova, pero non do deseño de toda a operación realizado polas cúpulas das Caixas e a Xunta de Galicia.

Petición do voto negativo aos representantes do Concello de Vigo

Durante a intervención na Asemblea Xeral de Caixanova, a CIG pediu formalmente aos representantes do Concello de Vigo o voto negativo aos Estatutos da Entidade, dado que “prevén a redución da presenza do Concello nos órganos de goberno da nova Caixa en favor de representantes do capital privado” e tendo en conta o anuncio realizado, no seu día, polo alcalde de Vigo, Abel Caballero, a respecto de que impugnaría a Lei Galega de Caixas por entender que minoraba a presenza do Concello nos órganos de goberno da entidade.

U-lo Caballero?

2010-10-14T21:38:00.001+02:00

Abel Caballero ameazou con impugnar a Lei de Caixas do Parlamento Galego que democratizaba os órganos de goberno argumentando que reducía a presenza do Concello de Vigo como entidade fundadora.

Os Estatutos da nova entidade aprobados polas altas Direccións dan entrada ao capital privado coa emisión de cotas particpativas con dereitos políticos e polo tanto con dereito a representación nos órganos de goberno. Iso implica a redución á metade da representación entre outros do Concello de Vigo para dar entrada aos futuros accionistas. Caballero, o amigo de Julio Gayoso, garda silencio.

O PSOE privatiza as Caixas, Abel que sempre defendeu a privatización e deslocalización de Caixanova a través dun SIP garda silencio... Nunca defendeu a Vigo.

Asemblea Xeral: Mobilización e voto negativo

2010-10-14T18:48:00.001+02:00

Ante a celebración das respectivas Asembleas Xerais de Caixa Galicia e Caixanova, a CIG ten convocado concentracións as que estades convidados todos aqueles compañeiros e compañeiras que queirades asistir.

A nosa intervención nas asembleas, denunciará a situación laboral creada polo Plan de integración e o Acordo laboral. Somos representantes dos traballadores e traballadoras e, polo tanto, temos o deber de facer oír a vosa voz.

Queremos que nos aclaren se o pacto laboral da fusión estivo condicionado polas restricións económicas, despois de que as Direccións decidiran utilizar parte dos recursos recibidos do FROB para entrar na posible ampliación de capital de Sacyr, empresa na que as Caixas teñen cerca do 9% do capital. Esta decisión foi tomada incluso coa oposición do Banco de España, segundo informou algún medio.

Non poderíamos admitir que os recortes e falta de garantías nas prexubilacións ,e os recortes e falta de garantías para o persoal que queda, tiveran como obxectivo volver a investir en empresas nas que as Direccións nunca deberían ter entrado.

Pero non podemos esquecer que se trata dos máximos órganos de goberno das entidades e que, polo tanto, a nosa intervención debe tamén entrar noutros aspectos da xestión. Ao fin e ao cabo, se estamos onde estamos é por unha mala xestión dos actuais equipos directivos.

A día de hoxe, está claro que estamos ante un desmantelamento das Caixas pola vía do peche de oficinas (300) e departamentos de Servizos Centrais, e tamén pola venda de 200 oficinas co seu persoal. En total poden ser cerca de 1.700 os postos de traballo directos afectados.

Neste apartado hai que destacar que a Dirección encargou a Goldman Sachs o proceso de desinvestimentos por valor de 13.000 millóns de euros, incluída a venda de oficinas co persoal dentro. Goldman Sachs é unha entidade de EEUU que foi sancionada pola SEC (Comisión Nacional do Mercado de Valores) por fraude á clientela.

Por outra banda, o desmantelamento barato das Caixas ten como fin a súa privatización. Nos estatutos da nova Entidade figura a emisión de cotas participativas con dereitos políticos e a entrada dos coto-partícipes, minorando a representación actual tanto no Consello de Administración como na Asemblea Xeral de outros colectivos tales como o persoal, impositores, entidades fundadoras, etc.

Malia todo, a actual cúpula directiva e os órganos de goberno de ambas entidades, veranse prorrogados no seu mandato sen asumir responsabilidades pola mala xestión coa que hoxe xustifican o desmantelamento parcial da Caixa e a saída de centos de compañeiros e compañeiras sen ningún tipo de garantías.

Por todo isto, votaremos NON nos apartados correspondentes, a CIG non é cómplice da mala xestión, nin vai ser cómplice do desmantelamento, venda e privatización de Caixa Galicia e Caixanova.

O 4 de decembro a CIG manifestouse polas rúas de Santiago en defensa do emprego, da galeguidade e do carácter social das Caixas. Polo mesmo motivo concentrarémonos antes as Asembleas Xerais e votaremos NON.

Ás 17:30 horas o luns 18 de outubro.

Asemblea Xeral Caixa Galicia: Fundación Caixa Galicia, Cantón Grande-A Coruña
Asemblea Xeral Caixanova: Centro Social Caixanova, Policarpo Sánz-Vigo.

As Caixas poderían ter encargado os desinvestimentos a unha empresa acusada de fraude

2010-10-13T16:24:00.000+02:00

Segundo informa o portal Cotizalia, Caixa Galicia e Caixanova terían encargado os desinvestimentos previstos no Plan de Integración, incluida a venda de 200 oficinas co persoal, á empresa Goldman Sachs.

Dase a circunstancia de que a empresa matriz estadounidense de Goldman Sachs foi acusada de fraude pola comisión nacional do mercado de valores dese país. Posteriormente a empresa admitiu o fraude chegando a un acordo monetario para evitar a súa condena. Insistimos, en boa man estache o pandeiro.

Publicado o comunicado

2010-10-08T12:18:00.001+02:00

Finalmente saiu publicado o comunicado, non foi censurado, foi retido...

O Acordo non está en vigor e xa ameazan con traslados

2010-10-08T08:56:00.000+02:00

Temos unha denuncia de varios compañeiros sobre as ameazas que estan vertindo determinados directivos nos comites comerciais das oficinas de Vigo seguindo, segundo din, instruccións do Zona. Nas reunións se ameaza ao persoal para que venda seguros ou seran "trasladados a 100 kilómetros que ahora podemos".

O Acordo Laboral ainda non está en vigor, habería que dicilrle a estes espabilados. Pero desgraciadamente o acordo non recolleu as garantías solicitadas pola CIG para evitar que a mobilidade xeográfica poidera ser utilizada como unha arma por parte de calquera desalmado, como tampouco hai garantías coas baixas incentivadas (despedimentos pagados).

Que ninguén se confunda por moito que teñan un pacto non permitiremos este tipo de condutas e ameazas. Si é así daremos cumprida resposta.

Caixanova censura o comunicado da CIG

2010-10-07T19:17:00.000+02:00

O comunicado anterior foi censurado pola Dirección de Caixanova e non foi repartido. Unha vez mais a Dirección da Caixa actua de xeito antisindical impedindo que os traballadores e traballadoras teñan aceso a información remitida pola CIG.

Comunicados doutros sindicatos referidos a esta cuestión foron repartidos sen problemas, cousas veras.

Como en anteriores ocasións presentaremos denuncia na Inspección de Traballo, repartiremos o comunicado en man e pegarémolo no exterior das oficinas para coñecemento do persoal e tamén da clientela.

En boa man estache o pandeiro!!!

2010-10-07T12:13:00.001+02:00

Unha vez coñecido o organigrama da nova entidade froito da fusión de Caixa Galicia e Caixanova, pasamos da sorpresa inicial á máxima indignación.

Finalmente os altos executivos dunha e doutra entidade, que cobran salarios millonarios e insultantes que non declaran (sabemos o que cobran os dirixentes dos grandes bancos privados, pero non os das Caixas de Aforros baixo control público), continuarán á fronte da nova entidade sen asumir as súas responsabilidades pola mala xestión.

Non é casual que o organigrama se presente unha vez asinado o Acordo Laboral, que implica a destrución de 1.200 postos de traballo, 900 en Galiza a través de prexubilacións instrumentalizadas como un ERE (Expediente de Regulación de Emprego), que afectará aos traballadores e traballadoras maiores de 55 anos.

Traballadores con 30, 35 ou 40 anos de servizo marcharán para casa cunha compensación entre o 70-75% do seu salario, mentres continuarán mandando os mesmos e cobrando salarios millonarios, despois de que as Caixas de Aforros recibiran máis de 6.000 millóns de inxección de diñeiro público.

É indignante que nunha empresa baixo control público da Xunta de Galicia, continúen nos seus postos os responsables da destrución de 1.200 postos de traballo, 900 en Galiza. Pero resulta máis indignante ver que entre os executivos que manterán a súa privilexiada situación, figuran persoas maiores de 55 anos e que polo tanto deberían estar afectadas polo ERE. Queda claro que eses executivos, maiores de 55 anos, non pensan acollerse á “magnífica” oferta de prexubilación vía ERE que ofertan ao resto do persoal.

Tampouco é de recibo que algúns dos altos executivos que dixeron que o acordo era “el mejor del sector”, non dean exemplo e non sexan os primeiros en marchar co ERE para casa, ir á cola do paro e pedir a prestación. Serán os traballadores e traballadoras quen paguen en exclusiva a mala xestión empresarial.

Entendemos que PP e PSOE, que pactaron no Parlamento Galego incluír un período de transición eliminando a democratización e profesionalización das Caixas que establecía a Lei Galega de 12/2009, son os responsables dunha auténtica tomadura de pelo á sociedade galega e ao persoal das Caixas de Aforros. Unha decisión interesada para evitar tamén que se depuren as responsabilidades políticas dos altos cargos dunha e doutra formación que estiveron, e estarán, sentados nos órganos de goberno.

A CIG quere deixar clara a súa oposición pública ao organigrama da nova entidade, considerando que a destrución de 900 postos de traballo en Galiza quedará impune. Nin hai responsabilidade dos xestores das Caixas, nin responsabilidades políticas, pagando a sociedade e os traballadores/as as consecuencias.

Por último, denunciar novamente que a cúpula directiva das entidades, prepara xa a privatización da nova entidade froito da fusión de Caixa Galicia e Caixanova. O proceso de reconversión e fusión que estamos a sufrir os traballadores e traballadoras das Caixas ten como o obxectivo a súa privatización, non gañou Vigo, nin A Coruña. Gañou a Dirección das empresas e os grandes inversores privados que poderán quedarse coa entidade a prezo de saldo.

Xa temos o "acordo"

2010-10-05T19:25:00.000+02:00

Despois de denunciar que estábamos recibindo convites públicos para adherirnos ao acordo (o último por parte do Presidente da Caixa Galicia), pero que a día de hoxe non nos fora remitido polas entidades copia do mesmo, malia que o tiñamos solicitado, estas tiveron a ben e por cortesía remitirnos unha copia.

Cerimonia de confusión

2010-10-05T18:55:00.001+02:00

A día de hoxe, as Caixas non remitiron copia do acordo asinado o luns día 4 de outubro, malia que o temos solicitado para poder facer unha avaliación completa do mesmo. Despois fan convites a sumarse ao acordo.

Coñecemos o texto do pre-acordo asinado o 30 de setembro polo serán, que tiña diferenzas sobre o presentado na mesa ás 11:30 da mañá. Por exemplo, ás 11:30 garantíase a carreira profesional por antigüidade de Caixa Galicia para todo o persoal (ata nivel VI por antigüidade), pero no pre-acordo asinado pola tarde, ese dereito desapareceu misteriosamente (quizais a defensa da carreira profesional ata nivel VI sempre foi unha cuestión que só lle importou á CIG).

Así mesmo, hai diferenzas entre o acordo publicado na web de algún sindicato asinante e o comunicado no que din que se incluíron novas garantías en materias de emprego. Ou o acordo publicado na web sindical non é o asinado, ou directamente non existen no acordo as garantías das que falan.

Malo é que sexan as Direccións de RR.HH. e as cúpulas de ambas empresas as que teñan que saír nos medios a dicir que este é o mellor acordo do sector (¿será para as empresas ou para os traballadores/as?). Pero despois gardan o texto asinado baixo sete chaves, a salvo de miradas críticas.

Como malo é que falasen de austeridade durante toda a negociación e celebren o “pacto” con pompa e boato no Hostal dos Reis Católicos.

En definitiva, semella que hai un acordo, pero a día de hoxe non é público; non sabemos que garantías recolle nin cales non recolle. Unha cerimonia de confusión alimentada interesadamente polas Direccións.

As Caixas prefiren un acordo con escaso aval sindical

2010-10-05T18:52:00.000+02:00

Hoxe, 30 de setembro, as Caixas anunciaron un acordo con parte da representación sindical. Dende a CIG, independentemente de que non formamos parte dese acordo, e de que nos vindeiros días tomaremos a decisión definitiva sobre a nosa posición, a día de hoxe, queremos destacar tres cuestións básicas:

1º.-Como sindicato nacionalista non podemos asumir que, a maiores dos recortes previstos na rede comercial, as caixas pretendan recortar 470 postos de traballo na Coruña e Vigo (algo que coñeciamos dende o principio), e non estean dispostas a asumir un compromiso de non aproveitar a ocasión para externalizar servizos subcontratando con terceiras empresas e que, carga de traballo que actualmente realizaban traballadores e traballadoras de servizos centrais na Coruña e Vigo, poda rematar fóra de Galiza. A negativa das caixas a asumir este compromiso non deixa de ser unha afirmación da súa vontade oculta. Un feito gravísimo ante o que a Xunta de Galiza non pode gardar silencio. O que está sucedendo cos Servizos Centrais do Banco Gallego, empresa participada por Caixanova, non deixa de ser un motivo de alarma.

2º.-Como sindicato de clase, temos que dicir que existía un compromiso verbal para incluír unha cláusula de garantía para o persoal da Obra Social, da Fundación, das Empresas auxiliares e Empresas de servizos. Centos de postos de traballo veranse afectados pola fusión, sen que exista ningún tipo de garantía de que o proceso sexa non traumático e negociado.

3º.-Dende unha óptica estritamente laboral, temos que dicir que nos últimos días celebramos asembleas nas que os traballadores e traballadoras nos transmitiron a súa visión sobre o proceso. Tiñamos pactadas asembleas conxuntas en Ferrol, Santiago, A Coruña, Lugo e Pontevedra. A sinatura deste acordo frustra este proceso de dar a oportunidade da participación dos traballadores e das traballadoras nun proceso que nos afectará a todos e a todas. É certo que asumiron algunha das garantías propostas pola CIG e polas asembleas, pero NON todas, e nese sentido, pensamos que a negociación remata cando aínda quedaba camiño por andar.

Temos claro que por responsabilidade sindical estivemos ata o último momento traballando para conseguir un bo acordo, e dende logo, como ata agora, actuaremos con responsabilidade e tomarémonos o tempo que necesitemos para decidir a nosa posición definitiva.

Asemblea Ourense

2010-09-28T22:37:00.000+02:00

200 traballadores e traballadoras da entidade participaron na asemblea convocada en Ourense , demandando unhas condicións dignas para as 1.200 persoas "excedentes" e para o persoal que quedará en activo. Un éxito de participación, tanto no número, como polas numerosas intervencións froito do malestar instalado nos cadros de persoal.

As cúpulas directivas deberían ter en consideración o malestar evidente dos que serán protagonistas da fusión: os traballadores e traballadoras da Caixa Galega.

Non escoitar as demandas dos principais protagonistas agochandose detras dos asesores ben pagados de Madrid non é a solución. Ou o persoal de ambas entidades se sinte participe da fusión ou o duro camiño que queda por percorrer, será unha longa noite de pedra.

O persoal esixe condicións dignas e garantías.

2010-09-28T08:28:00.000+02:00

O persoal da Caixa Galega respaldou na asemblea a esixencia dunhas condicións dignas e garantías suficientes en materia de prexubilacións, mobilidade xeográfica e demais condicións laborais.

A proposta de acordo realizada polas empresas foi claramente rexeitada reclamando o persoal garantía na linea da contraposta realizada pola CIG, CCOO e CSICA.

O malestar, nomeadamente entre o persoal afectado polas prexubilacións, é evidente ante a falta de garantías fronte a inminente reforma da seguridade social, como afectaría a súa situación no plan de pensións ou contra o tope do 98% do salario neto sobre o que xiraría a prexubilación.

Hoxe está convocada asemblea en Ourense, agardamos unha boa participación como en Vigo, as Caixas deben ser conscientes do malestar do persoal e realizar unha proposta en condicións.

Así mesmo alzáronse voces do persoal que quedaría en activo que demostrou a súa preocupación polo futuro, nomeadamente ante a falta de garantía en materia de mobilidade xeográfica froito do peche de oficinas e Servizos Centrais.

Sen comentarios

2010-09-25T10:42:00.000+02:00

O seguinte enlace fala por sí só, sen comentarios.

UGT no ERE de Mare Nostrum

Asembleas Caixas CIG, CCOO e CSICA

2010-09-22T13:27:00.001+02:00

Tal e como asumimos publicamente o vindeiro día 27 e 28 de setembro comezaremos coa rolda de asembleas que continuaran polo resto de Galiza en vindeiras datas.

As asembleas estan previstas para informar da nosa visión da negociación do pacto laboral, do marco lexislativo que nos afecta. Así mesmo e ante a convocatoria de Folga Xeral informaremos do impacto da reforma laboral (tanto no proceso de negociación, como cara ao futuro).

O lúns 27 de setembro ás 17:30 horas no Verbum en Vigo.

O martes 28 de setembro ás 17:30 horas no Auditorio de Ourense.

FOLGA XERAL. Paremos o 29 de setembro (II)

2010-09-21T20:24:00.000+02:00

Con esta reforma amplían a posibilidade dos despedimentos por faltas xustificadas pero intermitentes, que acaden o 20 % das xornadas hábiles en dous meses consecutivos, ou o 25 % en catro meses descontinuos dentro dun período de doce meses, incluídas baixas por enfermidade, permisos por morte dun familiar ou por coller días de mudanza. Tratan en definitiva que traballemos enfermos ata a extenuación e que renunciemos aos dereitos adquiridos.

Hai que insistir que na práctica esta Reforma transforma ao persoal indefinido en temporal; como exemplo, a indemnización de despedimento que pagarán as empresas en despedimentos obxectivos será de 12 días (os outros 8 os pagará o FOGASA), nos contratos temporais a indemnización será de 12 días (no 2015). Se costa o mesmo despedir a un fixo que a un temporal ¿hai traballos fixos?, evidentemente non.

Pero coa Reforma, ¿perder o posto de traballo é o peor que nos pode pasar? A reforma laboral tamén establece medidas para conseguir máis “flexibilidade” para as empresas, é dicir, maior precariedade laboral.

Igual que nos despedimentos amplían as vías polas que as empresas poderán modificar condicións substanciais por causas técnicas, económicas ou organizativas, poderán impoñer mobilidade xeográfica; deixar de pagar os salarios pactados nos convenios; ou poderán reducirnos a xornada laboral (as horas de traballo que figuran nos contratos) co correspondente recorte nos salarios.

Falan que a reforma laboral pon coto á temporalidade; totalmente falso: os contratos temporais realizados con anterioridade a aprobación da reforma non se verán afectados. Ademais amplían o campo de actuación das Empresas de Traballo Temporal creando a figura de axentes privados de colocación.

Por outra parte e máis alá da subvención do despedimento con cargo ao FOGASA, a reforma insiste na liña de bonificar a contratación por parte das empresas.

Moitos traballadores e traballadoras non son conscientes do alcance da contrarreforma. Estamos ante a implantación definitiva dun novo modelo baseado na precariedade máis absoluta no que as empresas poderán prescindir unilateralmente dos dereitos laborais, despedirnos, deixar de aplicar os convenios, decidir trasladarnos ou recortarnos a xornada e o salario.

Por todo isto, o 29 DE SETEMBRO, ¡¡¡ FOLGA XERAL !!!

Non hai preacordo

2010-09-17T08:41:00.000+02:00

Dende a Confederación Intersindical Galega ante as noticias sobre a existencia dun suposto preacordo laboral nas Caixas de Aforros queremos deixar claro o seguinte:

Non existe ningún tipo de preacordo, documento nin polo tanto nada está asinado.

Existe un achegamento verbal de posturas sobre a plataforma presentada conxuntamente pola CIG, CCOO e CSICA.

Consideramos que o comunicado de Caixa Galicia e Caixanova supón un intento de amarrar o que non está amarrado, cando quedan moitos puntos por concretar e noutros (como no referido ao persoal das empresas auxiliares e de servizos afectados pola fusións) hai declaracións de intencións que debemos agora plasmar nun acordo concreto.

Hai un achegamento en cuestións básicas en materia de prexubilación, mobilidade, carreira profesional, garantías e para avanzar nun novo sistema retributivo que substitua aos 4 existentes.

Paremos bancos e caixas o 29 de setembro (I)

2010-09-13T13:49:00.000+02:00

Coa lexislación laboral que derrogou a reforma laboral, o Estado español foi líder na creación de emprego, pero o problema foi que aquel emprego era temporal, precario e doado de destruír en tempos de crise. A reforma laboral avanza en converter os contratos fixos en temporais, facilitando e abaratando o despedimento. Esta reforma non era a precisa e non creará emprego. A crise é unha escusa para impoñer un novo modelo económico, social e laboral. Por iso a CIG convocou FOLGA XERAL o 29 de setembro.

Moitos traballadores e traballadoras do sector financeiro pensaban que viviamos nunha burbulla que nos protexía; nunca foi certo, pero as novas reformas aféctannos de cheo.

O goberno Aznar puxo en marcha o “despedimento express” algo que no sector financeiro pasou bastante desapercibido, pero que foi utilizado pola maior parte da banca facendo que minguase a resposta aos despedimentos. Co despedimento express, as empresas recoñecían no momento do despedimento a improcedencia do mesmo (é dicir que era sen motivo) consignando no Xulgado a indemnización de 45 días por ano traballado cun máximo de 42 mensualidades, aforrando ademais os salarios de tramitación.

Agora a reforma laboral aprobada polo PSOE avanza na liña do despedimento express e amplía as causas dos despedimentos obxectivos, é dicir, cunha indemnización de 20 días por ano traballado e un máximo de 12 mensualidades. Xa hai entidades como o Banco Gallego que están tratando de utilizar esa nova vía. Pretenden poder despedirnos inxustamente cun ano de salario.

No proceso de reconversión as Caixas de Aforros tamén están aproveitando as facilidades que dá a reforma laboral ás empresas para aplicar medidas de carácter colectivo, as Caixas están prexubilando a través dun ERE, unha vía que ameaza con converterse en norma en todo o sector financeiro. O goberno mudou temporalmente o tratamento fiscal das indemnizacións que reciben os traballadores/as vítimas dun ERE, o que fai atractivas fiscalmente as prexubilacións vía ERE, malia que a costa de suprimir a progresividade fiscal. Que pasará coa vía aberta de expedientes de regulación de emprego cando rematen as vacacións fiscais?

Así mesmo a reforma afecta noutras cuestións mais ala dos despedimentos que explicaremos posteriormente. Estamos vendidos, a democracia esvaeceuse dos postos de traballo, vivimos na ditadura dos empresarios. As reformas conformarán a estrutura dun novo modelo laboral, económico e social onde temos as de perder.

Os traballadores e traballadoras do sector financeiro temos motivos de abondo para ir á FOLGA en calquera banco ou caixa sen que houbera reforma laboral, pero agora que pretenden impoñernos máis traslados, despedimentos e recortes salariais debemos unir as nosas forzas e participar activamente na FOLGA XERAL DO 29 DE SETEMBRO. Indo a folga, asistindo aos piquetes e as mobilizacións convocadas.

Paremos ás empresas e aos seus gobernos-monicreques.

Unificamos plataforma sindical

2010-09-09T12:17:00.000+02:00

CCOO, CSICA e CIG, unificamos os últimos flecos da plataforma negociadora, co detalle dos aspectos e garantías que ata o día de hoxe non se falaron na Mesa de Laboral e que consideramos que deben estar.

Con esta terceira entrega, as dúas anteriores (20 de xuño e 2 de setembro), xa publicadas, CCOO-CSICA-CIG, fixemos un esforzo unificando criterios e peticións co ánimo de chegar a un acordo satisfactorio e no menor tempo posible.

Agora son as Empresas as que teñen que moverse e, na vindeira reunión do xoves día 16, teñen que concretar movementos.

No documento metemos medidas en materia de Peches de oficinas e reordenación de Servizos Centrais, Garantías, Trasladados/as, Vacacións, Axuda por casamento e natalidade + cesta de Nadal, Axuda gardería, Seguro médico, Dietas e desprazamentos, Quebranto de moeda, Reordenación de Servizos Centrais, Reordenación de División de Sistemas, Esforzo e dedicación pola Integración,Faltas e sancións, Revisións médicas, Servizo de Prevención, Riscos psicosociais, Atraco, Contratos temporaise e por último un paquete de medidas para minimizar o impacto laboral da fusión nomeadamente en Galiza.

De caracol a tartaruga

2010-09-09T12:15:00.001+02:00

É o movemento máis significativo da reunión de hoxe, por parte da representación empresarial.

Semella que o único que se visualizou é o cambio de animal de compañía.

Seguen avanzando “din”, pero de palabra, sen documentos, sen datos, con atrasos e demoras. Uns por outros (empresas e asesores), o traballo por facer e ademais, atrásannos a reunión á vindeira semana por máis “problemas loxísticos”.

Plantexamos que, na reunión do vindeiro xoves día 16, teñen que se producir avances concretos e tanxibles, entendemos que a “tartaruga” non avanza ao ritmo sindical desexado e, se non concretan, teremos que replantexarnos que medidas de presión acordaremos.

Para mañá, mércores día 8, temos prevista unha reunión CCOO-CSICA-CIG, para unificar os puntos que entendemos que dende a óptica sindical teñen que incluírse no acordo laboral e que, ata o día de hoxe, as empresas non incluíron nas súas propostas.

Manterémosvos informados/as.

A CIG presenta a convocatoria de Folga Xeral

2010-09-07T22:54:00.000+02:00

A CIG presentou esta mañá, na consellaría de Traballo e Benestar a convocatoria de folga xeral, que afectará a todas as actividades desempeñadas polos traballadores e traballadoras de empresas privadas e do sector público, con vínculo funcionarial, estatutario ou laboral en Galiza. A folga comezará ás 0:00 horas do día 29 de setembro e rematará ás 24:00 horas. Con esta convocatoria a central sindical pretende dar unha resposta contundente e frear as agresións das que está sendo obxecto a maioría social, a clase traballadora, e que van máis alá da reforma laboral, e abrir un debate social sobre cara que modelo de organización económica, social e política debemos camiñar.

“Estamos diante dunha convocatoria de folga xeral que transcende o que é estritamente a reforma laboral que está hoxe a debate”, explicaba o secretario xeral da CIG, Suso Seixo, tras facer entrega no rexistro da consellaría de Traballo, da convocatoria de folga xeral.

Para a CIG, estamos ante un debate de modelo de organización social e económica e, “ou camiñamos cara formas de organización social máis xustas, solidarias e democráticas ou, se non conseguimos parar estas reformas, vaise reforzar aínda máis este modelo inxusto e antidemocrático, na medida en que se concentra máis poder económico e político en poucas mans e, finalmente, quen termina decidindo as políticas económicas e sociais son o FMI e outras institucións sobre as que non hai nin control popular, nin control institucional”.

Por iso, o secretario xeral da CIG alertou da gravidade que ten que se centre todo o debate sobre a crise económica e a saída da mesma arredor da reforma laboral “cando nada teñen que ver as supostas rixideces do mercado laboral e o custo de despedimento, nin mesmo a estrutura da negociación colectiva” nin coas causas nin coa súa solución.

De feito, denunciou que se está a utilizar a crise como “desculpa” para recortar dereitos laborais e “detraer recursos dos traballadores e mesmo do erario público, para a patronal”, afondando moito máis “neste modelo neoliberal para que aqueles que provocaron a crise manteñan as súas ganancias”.

A reforma laboral

Respecto da reforma laboral, que será ratificada o próximo día 9 de setembro no Congreso dos Deputados, logo de introducirse as modificacións aprobadas no Senado, o secretario xeral lembrou que neste trámite “se empeorou o Real Decreto de reforma laboral presentado inicialmente”, o que implica “confirmar as nosas peores expectativas”, dixo.

Así salientou, entre as medidas que contempla a reforma, o abaratamento do despedimento, a ampliación das causas de despedimento por causas obxectivas; a ampliación do contrato de formación até os 24 anos que “é facilitar man de obra barata aos empresarios”; a privatización da intermediación no mercado laboral, dando entrada ás axencias privadas de contratación con ánimo de lucro abríndoas a sectores que até o de agora lles estaban vetados, mesmo os de alto risco como o da construción, ou na administración pública...

As reformas pendentes

Para a CIG, con esta folga xeral, tamén se queren denunciar e frear reformas pendentes, “que xa están enriba da mesa” como a das pensións, coa que se pretende, entre outras cousas, ampliar a idade de xubilación, ou a da negociación colectiva. Reformas que tamén se tratan de introducir utilizando como pretexto a crise económica e que “tampouco teñen nada que ver con ela”, asegurou.

Coa reforma da negociación colectiva, o secretario xeral da CIG advertiu que se busca unha maior centralización, o que, na práctica “vai supor maior burocratizacion, illar ás/aos traballadoras/es do debate a medio e longo prazo e deixar o camiño aberto para precarizar aínda máis as súas condicións laborais e o mercado laboral no seu conxunto”.

Xornada de folga

Na convocatoria presentada pola CIG, que dará comezo ás 00:00 horas do 29 de setembro até as 24:00 horas dese mesmo día, estabelécense algunhas excepcións referidas ás empresas, administracións e organismos que teñan varias quendas de traballo. Nese caso o comezo da folga realizarase na primeira quenda, aínda que comece antes das 00:00 horas e finalizará unha vez rematada a última quenda, aínda que vaia máis alá das 24:00 horas.

Alén diso, e para garantir a cobertura informativa do paro, nas empresas xornalísticas e medios de comunicación, a folga convocada terá lugar no período comprendido entre as 07:00 horas do día 28 de setembro e as 24:00 horas do día 29 de setembro, correspondendo aos traballadores /as de cada centro de traballo a determinación do horario de folga do período de referencia.

Á CONSELLARÍA DE TRABALLO E BENESTAR DA XUNTA DE GALIZA

C/C: Consellaría de Facenda, Delegación do Goberno de España en Galiza, Federación Galega de Municipios e Provincias, Confederación de Empresarios de Galicia

Asunto: Convocatoria de folga xeral

XESÚS ELADIO SEIXO FERNÁNDEZ, en representación do sindicato CONFEDERACIÓN INTERSINDICAL GALEGA (CIG), do cal é secretario xeral, con domicilio para efectos de notificacións na rúa Miguel Ferro Caaveiro, 10; 15707 Santiago de Compostela; EXPÓN:

I. A Executiva Confederal da CIG decidiu convocar unha FOLGA XERAL que afectará a todas as actividades desempeñadas polos traballadores e traballadoras de empresas privadas e polos empregados e empregadas do sector público, con vínculo funcionarial, estatutario ou laboral, no ámbito territorial da Comunidade Autónoma de Galiza.

II. Mediante este escrito, e consoante ao disposto nos artigos 3 e 4 do Real Decreto-lei 17/1977, do 4 de marzo, a CIG procede a comunicar formalmente a decisión adoptada, coa advertencia de que a folga afecta a empresas, administracións e organismos que prestan actividades e servizos esenciais para a comunidade.

III. A folga convocada terá lugar o día 29 de setembro de 2010, comezando ás 00:00 horas e rematando ás 24:00 horas, coas salvidades que se indican a continuación:

– Nas empresas, administracións e organismos que teñan varias quendas de traballo, o comezo da folga xeral realizarase na primeira quenda, aínda que comece antes das 00:00 horas do día 29 de setembro de 2010, e finalizará unha vez rematada a última quenda, aínda que se prolongue máis alá das 24:00 horas do día de referencia.

– Para garantir a cobertura informativa do paro, nas empresas do sector do xornalismo e medios de comunicación, a folga convocada terá lugar no período comprendido entre as 07:00 horas do día 28 de setembro de 2010 e as 24:00 horas do día 29 de setembro de 2010, correspondendo aos traballadores e traballadoras de cada centro de traballo a determinación do horario de folga dentro do período de referencia.

IV. O obxectivo da folga xeral é mostrar o rexeitamento da clase traballadora galega á reforma laboral aprobada polo Goberno español mediante o Real Decreto-lei 10/2010, do 16 de xuño, de medidas urxentes para a reforma do mercado de traballo, ben como ao seu desenvolvemento e modificacións na tramitación parlamentaria do correspondente proxecto de lei; tanto pola forma en que a reforma se xestou como polos seus contidos claramente regresivos.

a) Crise estrutural do diálogo social:

O proceso de “diálogo social” que se desenvolveu para abordar a reforma tiña un obxectivo marcado previamente: recortar os dereitos laborais. Os documentos públicos do Goberno (o primeiro, do 5 de febreiro) así o confirmaban. Cando o presidente Sr. Rodríguez Zapatero dixo que “faría os axustes custe o que custe” e que “na reforma laboral se tocarían aspectos esenciais” era claro que a grande beneficiada sería a patronal. Desde esa realidade o deseño do “diálogo social” que se realizou supuxo un factor de control social e desmobilización evidente. Nese “diálogo social” preténdese dar a falsa imaxe de que as responsabilidades son compartidas, cando en realidade a xestión das consecuencias da crise se decide de xeito acordado entre os gobernos, a patronal e os poderes financeiros.

b) Proceso sumarísimo contra os dereitos laborais:

O Goberno español decidiu, unha vez máis, impor unha reforma laboral vía Real Decreto-lei, un mecanismo reservado para situacións límite ou urxentes. Ese procedemento utilízase para evitar o debate, a participación e a confrontación social. Tras dar por pechada a mesa de “diálogo social”, o Goberno buscou o acordo coas posicións máis reaccionarias, empeorou sensibelmente o texto inicial e asegurou, aos que permitiron que o Real Decreto-lei se tramite como proxecto de lei, que nese trámite aínda poden recortarse máis dereitos. No Parlamento, e coa colaboración desas forzas políticas, abriuse un “mercado persa” de transaccións que ten por obxecto único lesionar gravemente os dereitos laborais. A decisión de pechar o debate en pleno período do verán (habilitando xullo e agosto para levar a efecto ese atropelo) é unha mostra máis de como se xoga cos dereitos da xente.

c) Lexislación básica estatal:

En Galiza aplícase a lexislación laboral decidida no Estado español, o que supón a aplicación dun modelo de reforma permanente, na que, como se mencionou, os recortes de dereitos conxúganse coa ameaza de recorte das nosas posibilidades de negociación colectiva. Este modelo é moi prexudicial para a clase traballadora.

d) Aspectos regresivos máis salientábeis:

– As medidas aprobadas supoñen facilitar e abaratar o despedimento para todos os traballadores e traballadoras que teñen un contrato indefinido. Ademais, apróbase a subvención pública para parte destes despedimentos.

– A reforma ataca a esencia da negociación colectiva, ao facilitar que as empresas queden exentas da aplicación dos convenios colectivos, en especial no que fai referencia ao salario. Tamén se avanza na posibilidade de que os empresarios, sen acordo coa representación sindical, realicen modificacións substanciais das condicións de traballo.

– A reforma abre novas portas ao negocio empresarial coa intermediación no emprego. Para iso, legalízanse as axencias privadas de colocación con ánimo de lucro, e elimínanse a práctica totalidade das restricións á actuación das empresas de traballo temporal (ETTs), co aumento do risco de sufrir un accidente laboral que iso leva.

– Ao longo do proceso de negociación da reforma laboral, realizado en segredo, saíu a relucir o compromiso da patronal, CCOO e UGT de acordaren unha nova estrutura da negociación colectiva. Non é a primeira vez que se realiza este intento de centralizar a negociación colectiva, para eliminar ou reducir á súa mínima expresión os convenios sectoriais territoriais. A CIG considera que sería moi grave que se negase ou limitase aos traballadores e traballadoras de Galiza o dereito a decidir que e onde negociar. Implicaría, ademais, afastar e dificultar a participación na negociación colectiva da gran maioría dos traballadores e traballadoras, pertencentes á pequena empresa, co retroceso nas súas condicións laborais que iso suporía co tempo.

– Do mesmo xeito que nas reformas anteriores, a temporalidade en fraude, consentida pola nula vontade das administracións laborais en perseguila, volveuse utilizar como escusa para atacar os elementos de protección da relación laboral.

– Son varias as falsidades utilizadas para xustificar a reforma. A primeira é que se creará emprego. Non é verdade; a reforma non suporá nin un emprego novo. Ao contrario, servirá para destruír máis postos de traballo en época de crise. A segunda mentira é que despedir é difícil e caro. En realidade, o despedimento é libre, e non debe ser moi caro vendo a facilidade coa que se destruíron moitos máis empregos que en ningún outro sitio de Europa. Estas e outras falsidades foron estendidas polos denominados “expertos”, un colectivo moi ben identificado ao que lle é imposíbel agochar a súa ligazón estreita co mundo empresarial e financeiro.

– O obxectivo real dos recortes é mellorar a conta de resultados das empresas, dando moito máis poder ao empresario. É inaceptábel que se fale de “mudanza do demodelo produtivo” cando a aposta da reforma se concreta en aumentar a precariedade.

V. En canto ás xestións realizadas para resolver as diferenzas, debemos indicar, con carácter xeral, que a CIG, na súa condición de sindicato máis representativo a nivel da Comunidade Autónoma de Galiza, participa nos órganos de participación institucional da Administración Xeral do Estado, achegando a súa lexítima visión nacionalista e de clase sobre o modelo de relacións laborais e protección social. Igualmente, todos os anos elabora e formula propostas no marco das consultas para a elaboración dos Planos Estatais de Acción para o Emprego que desde 1997 ten a obriga de presentar o Goberno español á Comisión Europea, con escasa receptividade por parte do Goberno.

De forma específica, sobre as causas que motivan a folga, debemos manifestar que o Goberno español excluíu a CIG –ben como os outros sindicatos máis representativos a nivel de comunidade autónoma– de calquera eventual proceso de negociación ou de consultas previo á aprobación do Real Decreto-lei 10/2010, do 16 de xuño. Non obstante, e aínda sendo conscientes da nula vontade de diálogo por parte do Goberno, o pasado día 21 de xullo de 2010 os sindicatos CIG e ELA mantiveron unha xuntanza no Congreso dos Deputados con deputados do BNG, Nafarroa Bai, CiU, PNV e PSOE (non asistiron CC, PP e UpyD), na cal lles fixeron entrega dunha declaración conxunta na cal manifestaban a súa preocupación polo contido antisocial da reforma e solicitaban o rexeitamento dos respectivos grupos parlamentarios ás medidas contidas no Real Decreto-lei 10/2010, do 16 de xuño, con ocasión da tramitación da reforma laboral en sede parlamentaria.

VI. O Comité de Folga estará formado polas seguintes persoas:

• Xesús E. Seixo Fernández

• M. Anxo Garcia Torres

• Manuel Currás Meira

• Margarida Corral Sánchez

• Elvira Patiño Ogea

• Antonio López Rivera

• Ramiro Oubiña Parracho

• Antolín Alcántara Álvarez

• Xosé Francisco Miranda Vigo

• Francisco X. Cartelle Pérez

• Laura Bugallo Sánchez

• Anxo Pérez Carballo

Este Comité de Folga delega expresamente nas estruturas sindicais e nos representantes dos traballadores e traballadoras que en cada caso se designen para os efectos de negociar servizos mínimos e outras cuestións operativas relacionadas co desenvolvemento da folga.

Para os efectos de constancia e comunicación preceptiva, asina a presente en representación da organización sindical convocante, en Santiago de Compostela, a seis de setembro de dous mil e dez.

O secretario xeral da CIG,

Xesús E. Seixo Fernández

A nova Caixa terá o nome oficial en castrapo

2010-09-06T17:57:00.000+02:00

Segundo todos os medios de comunicación a denominación oficial da nova entidade (que non o nome comercial) será "Caixa de Ahorros de Galicia, Vigo, Ourense y Pontevedra", en castrapo misturando español e galego a partes iguais.

Así mesmo a denominación aprobada semella deixar fora de Galicia a metade do país, concretamente a cidade de Vigo e as provincias de Ourense e Pontevedra, como si Galicia fose unha denominación do norde sen valor para o sur do país. Outro efecto da famosa "paridade" que está sendo levada ata o esperpento .

Comunicado conxunto CIG-CCOO-CSICA

2010-09-03T13:42:00.001+02:00

Ao inicio da reunión de hoxe CCOO – CSICA – CIG, entregamos a nosa resposta ao documento de traballo formulado ata a data polas Empresas, co obxectivo de desbloquear a negociación e evitar o conflito a 42 días das Asembleas Xerais, que aprobarían definitivamente a fusión.

Despois dunha pausa solicitada polas Direccións, continuou a reunión manifestando estas a súa disposición a avanzar nas propostas presentadas hoxe.

As tres centrais sindicais valoramos positivamente este cambio de actitude e esperamos que na reunión do vindeiro martes se concrete a resposta. Hoxe a representación empresarial non puido contar coa presenza dos seus asesores, que non puideron asistir porque o voo que os traía tivo que volver á súa orixe polo peche do aeroporto.

CCOO, CSICA e CIG, manifestamos que a vindeira semana presentaremos as propostas sindicais aos apartados do acordo que, ata o día de hoxe, a representación empresarial non formulou e que sindicalmente consideramos que teñen que reflectirse.

O tempo corre, temos só catro semanas por diante.

Decepción e Parón Antípodas 2

2010-08-30T14:01:00.001+02:00

Despois do parón de 3 semanas por "vacacións", a representación empresarial fíxonos entrega dunha nova proposta de acordo laboral que variou minimamente as posicións anteriores, sen recoller practicamente ningunha das propostas presentadas pola representación sindical, que valoramos negativamente.

Diante desta situación CCOO, CSICA e CIG, manifestamos que NON se contará coa nosa sinatura e solicitamos que na reunión do xoves próximo se modifique 180º o documento empresarial, co obxectivo de chegar a un acordo antes das Asembleas Xerais previstas para a primeira quincena de outubro.

BANCO GALLEGO

Os sindicatos manifestamos na Mesa Laboral de hoxe o noso rexeite ás medidas tomadas pola Dirección do Banco Gallego, participado nun 49,84% por Caixanova.

Esta Entidade, aproveitando a época de verán, o 30 de xullo, venres ás 14 horas, entregou cartas de despedimento aos compañeiros do Departamento de Estranxeiro, por exteriorización deste servizo.

Os/as representantes de CCOO, CSICA e CIG indicamos igualmente á Mesa que asistiremos ás mobilizacións que convoquen os compañeiros/as do Banco Gallego, en SOLIDARIEDADE cos/coas traballadores/as desta Entidade. E que se traslade esta posición ás Direccións das dúas Caixas.

Aclaración carreira profesional persoal administrativo.

2010-08-11T13:28:00.000+02:00

Ante unha consulta formulada por un compañeiro sobre a carreira profesional do persoal administrativo e o tempo de ascenso de nivel queremos explicarvos que cando falamos de que a promoción por experiencia por Convenio é cada 3 anos, estamos falando dunha media.

Como todos e todas sabedes o ascenso de nivel XIII a nivel VIII prodúcese nun total en 19 anos, pero con intervalos variables que van dos 9 meses (nivel XIII a XII) aos 7 anos (nivel X a IX), polo que o cálculo realizámolo en base á media.

Pedimos disculpas xa que malia que o contido é correcto deberíamos ter explicado no propio comunicado que falábamos dunha media.

UGT asinou o ERE do SIP Mare Nostrum

2010-08-11T09:35:00.000+02:00

UGT, CCOO e SIC (sindicato de empresa daqueles lares) asinaron o acordo laboral do SIP que incorpora a Sa Nostra, Caja Murcia, Granada e Penedes.

O acordo redúcese a un ERE e mobilidade xeográfica, un calco da proposta que avanzaron as Caixas Galegas.

O acordo non homologa condicións laborais e o persoal de Sa Nostra verá duramente recortados os seus dereitos, que algúns chegaron a calificar de "privilexios". As conquistas sindicais conseguidas nalgunhas Caixas son presentadas como "privilexios" naquelas nas que os avances sindicais foron menores ou inexistentes, vergoñento.

O sindicato maioritario en Sa Nostra, o nacionalista UOB (Unió Obrera Balear), rexeitou o acordo.

Prexubilación: conceptos que propoñen que non entren para a cobertura

2010-08-06T14:32:00.000+02:00

Como xa comentamos no comunicado anterior, Caixanova e Caixa Galicia fixeron entrega dun documento no que indican os complementos que se perciben segundo a súa natureza. Facilitaron tamén a relación dos conceptos que non se incluirían para o cálculo do salario a complementar na prexubilación.

Hai que lembrar que a oferta de cobertura realizada polas Caixas foi do 75% sen achegas ao plan de pensións (opción á que non se podería acoller o persoal con Plan de Pensión de Prestación Definida, maioritariamente o de Caixanova) e do 70% mantendo as achegas. Estas porcentaxes xirarían sobre o salario fixo.

No caso de Caixanova os complementos que propoñen que non entrarían para o cálculo da porcentaxe serían os seguintes:

Código e Concepto:

5O6-5PW-529 Plus quebranto moeda
5PX-5PY Plus transporte
5PZ-5P0 Plus desprazamento
5RC RCR parte fixa
5RV RCR parte variable
586-587 Complemento de destino
590 Axuda vivenda
579 Compl. adicional por obxectivos

Chama a atención que digan que a cobertura dos prexubilados/as xirará sobre o salario fixo, pero en Caixanova non teñan en conta a RCR parte fixa, que equivale a paga e media (ademais a única mellora real sobre o Convenio Estatal). En ningunha das dúas Caixas terían en conta o salario variable.

Na práctica, o persoal de Caixa Galicia poderá, con carácter xeral, cobrar o 75%, mentres o persoal de Caixanova tería dereito a unha cobertura real do 62%, se non computa a RCR parte fixa.

Temos solicitado unha aclaración a RRHH sobre esta cuestión, sen que a día de hoxe recibiramos contestación. En todo caso, dende a CIG non admitiremos ningún tipo de recorte nin propostas discriminatorias para ningún colectivo.

Carreira profesional e salarios, unha explicación das diferenzas

2010-08-05T14:46:00.000+02:00

A moitos compañeiros/as sorprendeulle a distribución dos cadros de persoal por categorías que remitiu algún sindicato e que non souberon explicar. O persoal de Caixa Galicia de nivel I a VI supera amplamente ao de Caixanova. E, con carácter xeral, hai menor proporción de xente entre os niveis máis baixos (nivel XIII a nivel VII).

Esta diferenza é froito de 2 acordos coa representación sindical, acordos que dende a CIG queremos estender tamén ao persoal de Caixanova.

Por unha parte, como xa publicamos no seu día, en Caixa Galicia os niveis salariais asociados á Clasificación de Oficinas (que afecta a Directores/as, Interventores/as e Responsables de Riscos) son superiores aos de Caixanova (a convenio pelado). Isto explica porqué no tramo superior ao nivel VI, o persoal de Caixa Galicia supera amplamente ao de Caixanova.

Por outra parte, e agora que algúns insisten na bonanza do PDP, en Caixa Galicia está acordada e asinada unha mellora da Carreira Profesional do persoal Administrativo por experiencia e produtividade, aínda que se manteñan as Oposicións de Ascenso, sistema no que a CIG non acredita. O ano pasado, primeiro no que ese acordo foi aplicado, máis de 350 persoas ascenderon de categoría en Caixa Galicia.

Por outra parte xa temos nas nosas mans o resumo dos conceptos salariais vixentes; en Caixa Galicia existe un maior número de complementos xerais, é dicir, de aplicación para todo o persoal e de maior calidade que os existentes en Caixanova.

O groso dos complementos xerais e vixentes en Caixa Galicia, que tamén queremos estender a Caixanova, son froito de 2 acordos coa representación sindical. Por unha parte, o Salario Mínimo Garantido (ligado á Clasificación e que cobran os apoderados/as) do que xa falamos nun anterior comunicado e, de outra, os complementos CPAR e CPAS, que cobra todo o persoal administrativo da rede e de SSCC, por unha contía de 2.295,72 euros anuais (2009).

En definitiva, non é certo como comentan algúns que en Caixa Galicia houbera unha suba de categorías previa á fusión. Son dereitos consolidados asinados coa representación sindical, grazas ao bo traballo sindical desenvolvido durante anos. Uns dereitos que, entre outros, dende a CIG queremos estender ao persoal de Caixanova.

Comunicado conxunto reunión coas Caixas

2010-08-02T13:04:00.000+02:00

Propostas da Plataforma Conxunta que xa foron aceptadas polas Caixas:

• Poderían optar á prexubilación non só as persoas que cumpran 55 anos ata o 31/12/10, senón tamén aquelas que cumpran esa idade durante os anos 2011 e 2012, condicionado á existencia de “ocos”, sen exceder das 1.200 persoas contempladas no Plan de Integración.

• Prazo de acollemento ás Prexubilacións: ampliación dende os 30 días propostos polas Caixas ata os 90 da nosa plataforma.

• Prazo de execución das Prexubilacións: pediamos 6 meses en vez dos 18 propostos; acceden a negociar fórmulas de ordenación das saídas.

• Acceso directo á Xubilación Anticipada: abertos á negociación pendente da súa articulación.

• Persoas con redución de xornada, computaráselles o salario completo a efectos do cálculo para a Prexubilación.

En relación á nosa proposta de porcentaxes de salario para persoal prexubilado, insisten en que calquera mellora sobre a súa proposta inicial está supeditada á aceptación do seu modelo: prexubilación por extinción do contrato, articulado a través dun procedemento administrativo que permita o acceso a axudas públicas. Modelo que, a priori, xera múltiples dúbidas, incerteza e inseguridade xurídica.

Respecto da información solicitada con datos desagregados por provincias dos peches de oficinas, facilitáronnos un cadro incompleto e erróneo; comprometéronse a revisalo e facilitárnolo de novo.

Así mesmo, comprometéronse a que hoxe recibiremos a relación dos conceptos salariais, as súas características e unha proposta de agrupación. Avanzaron a súa disposición a reducir o número de pagos (que non de pagas) a 12-14.

A pesares de que esta representación sindical solicitaba manter o calendario previsto de reunións para o mes de agosto, e debido a que as Caixas afirman non ter desenvolvido o contido para as mesmas, decídese pospoñer ata o 26 de agosto a seguinte reunión, co compromiso de que, ata esa data, nos presentarán unha proposta completa e documentada.

Comunicado conxunto da CIG, CCOO e CSICA.

Privatización, reconversión e test de estrés

2010-07-28T14:00:00.000+02:00

Dende a aprobación do FROB, vimos denunciando que estabamos ante o inicio dun proceso de privatización das Caixas de Aforros que seguía o guión de procesos anteriores noutras empresas públicas: unha fase de centralización e concentración, acompañada cunha fase de saneamento con diñeiro público e reconversión laboral impulsada polo FROB e, por último, a súa privatización e entrega a investidores privados a través da LORCA (Lei de Caixas Estatal).

O FROB apoiado polo PSOE e o PP preparou o camiño, e a nova LORCA, pactada de novo polo PP e o PSOE a nivel estatal, avanza por varias vías no camiño da transformación das Caixas en bancos privados.

Xustifican a lei en base á necesidade de fortalecer a solvencia das Caixas e na necesidade de “despolitizalas”. Os que traballamos nas Caixas, sabemos que o problema non foron os cargos públicos nuns órganos de goberno que pouco pintaban fronte as Comisións de Alta Dirección. O problema foron os xestores que actuaron sen ningún tipo de limitación e control nun marco dunha supervisión laxa.

En canto a fortalecer a solvencia hai que lembrar que segundo os recentes estrés-test, dúas Caixas de Aforros son as entidades máis solventes do Estado por diante dos bancos privados: a BBK cun Tier1 do 14,1% e a Kutxa cun 10,6%, no escenario máis adverso. Por certo, as Caixas máis solventes non seguiron fielmente os ditados de CECA e tampouco aplican o Convenio Estatal polo que teñen as mellores condicións laborais: os nosos salarios non son os culpables da crise e baixalos non é a saída.

A solvencia da BBK e da Kutxa, por diante dos grandes bancos privados que contan con capital, demostra que a natureza xurídica das Caixas non é un problema; o problema das Caixas mal xestionadas está nas cúpulas directivas e nun modelo de xestión implantado dende CECA, que equiparou as Caixas coa Banca Privada e apostou pola súa transformación en entidades de carácter estatal a través da expansión. Convertelas en bancos de carácter estatal como pretende a LORCA non é a solución, esa foi a raíz do problema.

O proceso de privatización será negativo dende unha óptica laboral, como xa o foi o proceso de bancarización que sufrimos dende o ano 2005. E neste momento agroman as primeiras consecuencias froito do actual proceso de saneamento e reconversión. Estes custes laborais iniciais materialízanse a través da destrución de emprego nas fusións e nos SIP (na maior parte dos casos con prexubilacións instrumentalizadas a través de ERE); na implantación de medidas extraordinarias durante o proceso de reconversión (despedimentos pagados, mobilidade xeográfica sen límite, etc.), ou no persoal afectado polos SIP que ten a “opción” de pasar ao novo banco que substitúe as Caixas.

Foi por todo isto que dende o inicio do proceso de reconversión a CIG veu mobilizándose en solitario a favor do mantemento da natureza xurídica das Caixas, como mellor fórmula ademais para garantir o emprego e as condicións laborais. O modelo de Caixas é viable, o que non é viable laboral e socialmente é que continúen á fronte os malos xestores e se privaticen as Caixas de Aforros.

Unha proposta cos pes na terra

2010-07-23T11:57:00.000+02:00

A CIG aposta pola unidade neste proceso, foi o desexo do persoal que participou nas asembleas e por convencemento propio. Mais ala da pluralidade de modelos sindicais, estamos ante un proceso complexo, con numerosas inseguridades xurídicas e dunha gran dificultade, manteremos a unidade de acción mentres sexa posible.

Así, abordamos con CCOO e CSICA unha contraproposta conxunta de prexubilacións baixo a figura de licenza retribuída, que ten como base anteriores procesos de prexubilacións e xubilacións anticipadas nas dúas entidades. Está feita cos pés na terra fronte a unhas propostas das Direccións que están entre un 15% e un 20% por baixo do xa pactado noutros procesos actuais de fusión. Corresponde a ambas Caixas presentar unha nova proposta.

Na proposta conxunta contemplamos anunciamos que queremos negociar agora o plan de prexubilacións e a homologación das condicións laborais, poderíamos entender que quedasen para unha fase posterior a integración do Plan de Pensións e unha nova Clasificación de Oficinas. Pero en todo caso reivindicamos modificacións inmediatas do Plan de Pensións de Caixanova co fin de evitar dentro do posible perpetuar diferenzas entre o persoal en base a entidade de procedencia. Queremos homologar as achegas para o persoal posterior ao ano 1986 nun 5% do salario e que o persoal anterior poda optar entre unha renda ou capital chegada a xubilación l.

Non fixemos contrapropostas ás medidas extraordinarias de reorganización propostas polas Caixas (mobilidade xeográfica, baixas indemnizadas, etc) carecemos de documentación que as xustifique e datos que nos permitan cuantificalo seu impacto.

Dende o primeiro día deixamos claro que a CIG non ia a apoiar plataformas sindicais que incluían medidas traumáticas (baixas indemnizadas, mobilidade xeográfica, etc). Este tipo de medidas deberían propoñelas as Caixas e de xeito argumentado, non os sindicatos nunha plataforma inicial. Menos apoiaremos esas outras plataformas si ademais parten da renuncia a dereitos dun ou doutro colectivo como é o caso.

Por último, foi esta representación sindical quen solicitou como en anteriores ocasións aclarar o futuro do persoal da Obra Social e da Fundación e que se nos indicase con quen debíamos negociar estas cuestións. Por parte das Caixa díxose que a fusión non afectará ao emprego nin as condicións laborais destes compañeiros e compañeiras. Pero por outra banda sabemos que o plan de integración non desbota a venda de edificios da OBS, polo que as palabras están ben, pero para a CIG non son suficientes, queremos algo mais: garantías de emprego, a aplicación de medidas non traumáticas e unha homologación das precarias condicións laborais deste colectivo.

O parlamento español convalida o decreto de privatización

2010-07-21T20:52:00.000+02:00

Hoxe o parlamento español convalidou a reforma da Lei de Caixas estatal (LORCA) cos votos do PSOE e PP.

Dende o principio do proceso de restruturación do sector a CIG viu mobilizándose e denunciando que o fin da reconversión das Caixas impulsada a través do decretazo do FROB tiña como obxectivo a privatización das mesmas. Concentrar, centralizar e reconvertir como paso previo a privatización.

As Caixas estan como estan non debido a presenza de políticos nos órganos de goberno, os que traballamos nelas sabemos que a responsabilidade foi dos xestores que actuaron como auténticos donos e señores sin ningún tipo de control por parte dos gobernos autonómicos, do goberno central, nin do Banco de España. En moitas ocasións reclamamos un maior control, os goberno miraron para outro lado mentres os xestores arruinaban as Caixas.

Hoxe PPSOE decidiron a privatización das Caixas, a primeira vía a través do SIP, tal e como denunciamos cando dende o PSdG defendía un SIP para Caixanova esta opción seguia os pasos dados en Italia para privatizar as Caixas. Crean un banco conxunto ao que trasladaban a actividade financeira reducindo as Caixas a meras fundacións propietarias de accións do banco. Outros sindicatos apoiaban o SIP, serán eles os que deban tamén dar explicacións.

Outra das vías é a través da emisión de cotas participativas con dereitos polítcos ata o 50%, semellante á vía utilizada por Margaret Tacher para impulsar a privatización das Caixas en Gran Bretaña.

Agardamos unha reforma inmediata da Lei Galega de Caixas que blinde a nova Caixa Galega para evitar que os xestores podan privatizalas, a sociedade galega demostrou ao longo dos últimos meses que aposta por unha Caixa de Aforros Galega. Incluso os vigueses que se manifestaron detras da pancarta de Caballero querían evitar que lle "roubasen a Caixa", pero os enemigos non eran os coruñeses, era o propio PSOE.

Dixemos daquela que Bancos con sede en Madrid hai moitos, cando menos queremos unha Caixa de Aforros Galega. E o seguímos dicindo.

Estamos nas antípodas

2010-07-21T14:54:00.000+02:00

O título deste comunicado, é a resposta ofrecida polo portavoz das dúas Caixas na reunión de hoxe á presentación da plataforma conxunta dos sindicatos CIG, CCOO e CSICA.

Manifestamos que a nosa proposta está máis preto á realidade sectorial, que a presentada polas Caixas o pasado día 13 de xullo, que se afasta en, aproximadamente, un 15% das porcentaxes dos acordos asinados noutras entidades.

Na vindeira reunión, fixada para o próximo día 29 de xullo, quedaron de dar resposta e valoración de custes das nosas peticións, así como información máis detallada de reordenación de rede e servizos centrais.

Detalle da nosa plataforma:

Novamente, volvemos esixir a documentación con antelación suficiente para o seu estudo, de todo o referente ao proceso de reorganización con datos desagregados.

A negociación laboral, abordará de forma inmediata, ademais do apartado de reorganización dos cadros de persoal, os aspectos de harmonización de condicións de traballo (homologación salarial, carreira profesional, beneficios sociais, etc.)

Prexubilacións

A partires de 55 anos cumpridos ata o 31/12/2010, no caso das persoas que podan acollerse e non o fagan no prazo fixado (90 días seguintes á data de referencia xeral), poderán acceder a esta situación os/as traballadores/as que vaian cumprindo esa idade ata o 31/12/2012 (data límite fixada para a racionalización da rede), seguindo a orde de cumprimento de idade.

O persoal prexubilado manterá a vinculación laboral coa entidade, cotizando polo réxime xeral da Seguridade Social.

Antigüidade mínima efectiva (a que figura en nómina) de 15 anos; estando á espera de información detallada de posibles afectados/as, na que consten provincias, niveis salariais, etc., para tomar decisión definitiva.

Xubilación, en todos os casos, á idade legal en cada momento.

Base para o cálculo do salario; retribución bruta anual, existente no momento de acceder á prexubilación. Contemplaranse nas entidades que non o teñan realizado a actualización de táboas e complementos a revalorizar.

Incremento anual: o fixado no Convenio Colectivo de Aforro.

A porcentaxe salarial garantida alcanzará o reflectido no cadro seguinte, tomando como base a retribución bruta anual. Os niveis de cotización de aqueles traballadores/as que accedan á prexubilación, non se verán afectados pola redución practicada sobre a súa retribución bruta.

Anos Porcentaxe de Cobertura

55 a 59 años 95%
60 a idade legal de xubilación 98%

En concepto de premio, incentivarase a cada traballador/a con 1.200 € por ano de servizo.

Aos traballadores/as que, no momento de acollida teñan o salario reducido como consecuencia de redución de xornada, este non se lle terá en conta para o cálculo da porcentaxe anterior.

Esta redución non terá repercusión na achega ao Fondo de Pensións, que será do 100% do salario anual pensionable. En aras de homologación para o persoal que poda acollerse ás prexubilacións e, independentemente da futura integración dos Plans de Pensións de ámbalas dúas entidades, a achega ao plan de pensións do persoal procedente de Caixanova será, ao igual que en Caixa Galicia, do 5% do salario pensionable. Ao mesmo tempo e, con carácter xeral para todo o persoal de Prestación Definida de Caixanova, terá opción de rescate ou renda, no momento que poda optar a elo.

Liquidación: a opción do traballador/a, poderase anticipar o seu cobro ao momento de pase á prexubilación.

A prexubilación é voluntaria e universal para os traballadores/as que cumpran os requisitos; unha vez solicitada, a dirección non poderá atrasar a súa concesión máis alá de 6 meses.

No suposto de producirse unha Incapacidade Permanente Total, garántese un complemento ata alcanzar o 87,5% do salario pensionable.

A solicitude do traballador/a, a empresa estudará a conversión dos préstamos para adecualos á nova situación salarial dos/as que opten á prexubilación.

Mobilidade Xeográfica – Baixas indemnizadas – Suspensións de contratos compensadas – Reducións de xornada

Mentres non se facilite información pormenorizada sobre o proceso, non podemos entrar a valorar nin realizar contrapropostas.

Descoñecemos as necesidades económicas, organizativas, etc., que xustifiquen estas medidas propostas.

Proposta de prexubilacións ligada ao ERE, cutre e discriminatoria

2010-07-16T13:25:00.000+02:00

Caixanova e Caixa Galicia propuxeron un sistema de prexubiliacións ligado a un ERE, unha proposta que ademais de cutre e extemporánea é discriminatoria para o persoal de Caixanova fronte ao de Caixa Galicia, pero vaiamos por partes.

En primeiro termo queremos analizar o custe que ten para as Caixas esta proposta, calculando sobre o persoal de 55 anos, o mais caro de prexubilar . Tomamos como referencia a porcentaxe do 70%, que como despois explicaremos é a que se tería que acoller o persoal de Caixanova.

Porcentaxe salario 70% as Caixas gañan diñeiro a costa da prexubilación.

A Caixa aforra dos 55 aos 63 aforra un 30% do salario cada ano x 8 anos =240%, é dicir aforra o equivalente a 2,4 anualidades.

Aforra tamén 2 anualidades completas do 63 aos 65. (Ao traballador/a xubilado págalle a Seguridade Social e o Plan de Pensións).

Aforraría tamén durante 2 anos os importes da prestación de desemprego. (Vai dos 1.087,20 euros mensuais aos 1.397,84 dependendo do número de fillos/as).

Ata os 65 anos a caixa pagaría:

Complementaría o paro durante 2 anos. Durante outros 6 anos pagaría o 70% do salario (420% do salario o que equivale a 4,2 anualidades), cando tería un aforro equivalente a 4,4 anualidades (as que habería que sumar o aforro que supón o importe da prestación de desemprego). Con esta proposta as Caixas gañan diñeiro e iso que está calculada para o persoal mais caro de prexubilar!!.

Oferta discriminatoria para o persoal de Caixanova.

Esta oferta que foi presentada polo asesor de Caixa Galicia, Martín Godino, é claramente discriminatorio para o persoal de Caixanova.

En Caixanova o persoal anterior ao XIV Convenio do 1986 ten un Plan de Prestación Definida. Con carácter xeral as maiores achegas realízanse durante os últimos anos da vida laboral. Calquera modificación da estrutura salarial ten repercusión na Prestación Definida (ascenso, cumprimento dun trienio, redución do salario por prexubilación, etc). Acollerse a unha porcentaxe de salario maior renunciando a achega ao plan de pensións podería ter unha grave repercusión en moitos casos. Este persoal debería xubilarse con carácter xeral aceptando a % salarial mais baixa co fin de manter a achega ao plan de pensións.

Por outra parte renunciase a unha achega do 5% (a que ten pactada a maior parte do persoal de Caixa Galicia independentemente da data de entrada). En Caixanova o persoal posterior ao 86 ten unha achega do 4%, quere dicir que renunciaría coa prexubilación a mais % do que a Caixa achega por el ao plan.

Agardamos que nas vindeiras reunións as caixas modifiquen as súas ofertas e que sexan maduradas para evitar discriminar a un ou outro colectivo.

Caixas de Aforros: Don ERE que ERE

2010-07-14T12:15:00.000+02:00

Caixa Galicia e Caixanova, adiantaron na segunda reunión da mesa negociadora a posibilidade de tramitar as “desvinculacións” dos 1.200 “excedentes” a través dun ERE (Expedinte de Regulación de Emprego) pactado. As prexubilacións, pero tamén as reducións de xornada que serán conforme á recente contrarreforma laboral do PSOE.

Así mesmo adiantaron que queren ir a despedimentos pagados, eufemisticamente “baixas indemnizadas”. E iso que as Direccións fartáronse de dicir que non aplicarían medidas traumáticas.

Desgraciadamente non foi unha sorpresa, onte mesmo no SIP de SAnostra (no que nalgún momento díxose que podería entrar Caixanova) a posición das Dirección foi a mesmas: aplicar un ERE. Seguen o mal exemplo das Caixas Catalanas e de Castela León.

En todo caso a CIG defende un proceso de prexubilacións como os que temos negociado ata o día de hoxe: sen despedimentos; mantendo a vinculación coa entidades e polo tanto mantendo a cotización no réxime xeral da Seguridade Social (sen cargar na Caixa da Seguridade Social a mala xestión das cúpulas) e cunhas porcentaxes dignas.

Como sindicato de clase non podemos admitir nun momento de recortes sociais, incluída unha reforma da Seguridade Social que pretende alongar a vida laboral e recortar prestacións, que as Caixas de Aforros despois de recibir inxentes axudas públicas carguen o custe de desfacerse miserablemente de 1.200 persoas con cargo ao erario público. Sería unha mostra de insolidariedade, con nos mesmos (o alongamento da vida laboral e o recorte das prestacións tamén nos afectará) e co resto dos traballadores e traballadoras.

No apartado de homologación, é dicir as condicións nas que quedaremos a maioría dos cadros de persoal as Direccións continúan sen facer propostas concretas, divagan e dan longas.

Entendemos que estamos ante unha primeira proposta maximalista por parte das Dirección, pero pensamos que se lles foi a man. Este tipo de propostas xeran maior incerteza entre a clientela, para beneficio dos nosos competidores, que xa o teñen bastante doado despois do espectáculo que ofreceron as Direccións durante meses. Conduta que reprobamos na mesa pero que tamén queremos facer publicamente.

Por último lembrar que temos presentada unha denuncia na Inspección de Traballo ante a falta de información no proceso de reconversión (segundo as propias palabras dun dos voceiros das Caixas Galegas). Ata que non teñamos os datos desagregados non formularemos unha contraproposta nos aspectos referidos á reorganización, sería darlle as Direccións un cheque en branco en materia de mobilidade, despedimentos pagados e demais.

Comunicado conxunto segunda reunión mesa negociación

2010-07-14T09:31:00.000+02:00

COMUNICADO CONXUNTO DE CIG, CCOO e CSICA

Nesta segunda sesión as Dirección de ambas entidades comentaron as súas propostas nos aspectos da integración, que pasamos a comentarvos:

CRITERIOS, xerais que observaran todas as medidas:

A data de referenza para o inicio de todas as medidas será a data efectiva de rexistro da nova entidade, unha vez celebradas as Asembleas Xerais.

Tempo de execución: será ESCALONADO, incluso algunhas poden chegar ata finais do 2012, sobre todo as prexubilacións.

Todas as medidas afectarán UNICAMENTE aos traballadores e traballadoras que están suxeitos ao Convenio Colectivo de Caixas de Aforros.

Os conceptos salariais que se terán en conta serán en todos os casos o SALARIO FIXO (incluídos os complementos por postos de traballo e persoais), non os variables.

Voluntariedade para todas as situacións.

MEDIDAS PROPOSTAS POLAS DIRECCIÓNS:

Prexubilacións, datos apuntados:

A partir de 55 años cumpridos ata o 31.12.2010, de existir sobrantes por non acollemento, a medida prorrogarase para os que cumpran 55 ata o 31.12.2011, (nestes últimos casos a orde será por cumprimento da idade).

Antigüidade mínima na Entidade de 15 anos no momento de acollida.

A cobertura no período de xubilación será ata os 63 anos, xubilándose anticipadamente.

Condicións salariais:

75% da Retribución Fixa anual do último ano, sen achegas ao Fondo de Pensións.

70% da Retribución Fixa anual do último ano, con achegas ao Fondo de Pensións.
Da Retribución Fixa anual descontarase a Seguridade Social a cargo do Traballador/a.

A empresa abonará o Convenio Especial coa Seguridade Social, ata os 63 anos.

A revalorización será dun 1% anual, do salario que serviu para o cálculo inicial.

Forma de abono do importe acordado, tres formulas posibles: Renda periódica, capital ou mixta.
Condicións de creto e condiciones sociais, mantéñense nas mesmas condicións.

A fórmula para instrumentalizar estas situacións, en principio, sería mediante RESCISIÓN DE CONTRATO, sen descartar outras vías xurídicas.

MOBILIDADE XEOGRÁFICA

Novamente apuntan á voluntariedade, salvagardando o dereito de organización, tanto nos peches por solapamento como nos Servizos Centrais

Aplicarase en todos os supostos que a mobilidade supere os 25 Km., que son os que establece o Convenio Colectivo Sectorial. Terase en conta a ofician actual e a de destino; tamén o domicilio do traballador.

Compensacións: de 25 a 100 Km 3.000 €; desprazamento superior a este quilometraxe 10.000 €.

BAIXAS INDEMNIZADAS: Voluntaria para as dúas partes, 35 días por ao traballado co tope de 33 mensualidades.

SUSPENSION DE CONTRATO COMPENSADAS: período de 3 anos ampliable a 5, con reserva do posto de traballo. Incentivarase ao inicio do período cun 30% do que lle correspondería por baixa indemnizada. No caso de non incorporarse complementase ata o 100%.

REDUCCIÓN DE XORNADA ao 50%, coa redución proporcional do salario, pendente de concretar máis datos.

OUTRAS MEDIDAS, Iranse concretando a medida que avancen as negociacións, pero manifestan a súa vontade de chegar ao máximo de acordos posibles, entre outros mencionados: Clasificación Profesional; Clasificación de Oficinas; Estrutura Retributiva; Plan de Pensións; Xornadas e horarios; Beneficios Sociais; Plans de Igualdade.

Fan mención expresa do respecto ás condicións salariais, sen perda da estrutura actual, matizando que mentres se fagan as mesmas funcións. Respectando os procesos de consolidación de categorías que están en fase de consolidación.

APUNTAN QUE O INCREMENTO DO CUSTE SALARIO SERA “ 0 ”

A VALORACION SINDICAL DOS PRESENTES.

Atopámonos ante unha proposta de partida, de mínimos por parte das Direccións, pero que NON COMPARTIMOS e teremos que ter un longo percorrido para que estas posicións melloren e podamos chegar a un acordo antes das Asembleas Xerais.

Igualmente manifestamos as reticencias que a representación sindical temos coas BAIXAS INDEMNIZADAS, en ningún caso consentiremos que sexa unha vía para presionar aos traballadores e traballadoras.

Quedamos emprazados a unha nova reunión a vindeira semana, na que a representación sindical presentará as súas propostas.

Como as contrarreformas afectan ás prexubilacións

2010-07-12T12:48:00.001+02:00

Somos conscientes da situación que viven os cadros de persoal, nomeadamente os compañeiros e compañeiras que agardan poder acollerse ao futuro plan de prexubilacións. Dende a CIG compartimos a vosa inquedanza e queremos trasmitirvos as nosas impresións a día de hoxe.

Por unha banda as Caixas anunciaron que as prexubilacións faranse de xeito escalonado acompasadas co peche de oficinas, non haberá polo tanto un plan aberto e universal inmediato.

Por outra parte o coñecido como Plan de Axuste de Zapatero do pasado mes de maio incluíu o fin do período transitorio para as xubilacións a tempo parcial con contrato de relevo, unha figura moi utilizada por ambas entidades ata o día de hoxe.

O goberno central prepara tamén a contrarreforma da Seguridade Social, propuxo alongar a idade de prexubilación de xeito progresivo ata os 67 anos. Segundo algúns medios a proposta actual, que pode someterse a cambios, alongaría a idade de xubilación dende os 65 anos e 2 meses para os nados no 1949; ata os 66 anos e 2 meses para o persoal nado no 1955 (e 67 anos para os posteriores ao ano 1960). A reforma pode afectar tamén a idade da xubilación anticipada (á que deberían acollerse os prexubilados), aos coeficientes redutores e as bases de cálculo.

Non sabemos cal será a idade definitiva que fixarán na nova reforma que todos e todas deberemos combater coa folga xeral do 29 de setembro. En todo caso nos preocupa enormemente dotar da máxima seguridade xurídica ás prexubilacións.

A partida orzamentaria que teñen as Caixas para “desvincularse” das 1.200 persoas “excedentes” está pechada, encarecer as baixas incentivadas (son despedimentos pagados) irá ademais en detrimento das prexubilacións. A CIG non quere nin apoia as baixas incentivadas nin outras medidas traumáticas, queremos negociar unhas boas prexubilacions.

Agardamos coñecer a proposta das Caixas e os datos desagregados por provincias dos “excedentes” antes de facer ningún tipo de contraproposta. Nos preocupa que nalgunha provincia os “excedentes” podan superar aos “prexubilables”, nomeadamente en Ourense e Pontevedra onde o número de solapamentos é maior, o que podería implicar tamén maior mobilidade xeográfica ou outro tipo de medidas.

Preferimos ser realistas e atender as circunstancias actuais antes de crear falsas expectativas, o marco laboral da fusión é complexo e está contaminado polas continuas modificacións legais e contrarreformas do goberno do PSOE. Debemos loitar contra a contrarreforma laboral e da Seguridade Social participando na Folga Xeral do 29 de setembro. E os recortes que non admitimos con carácter xeral, tampouco os admitiremos nas Caixas nin para os que “marchen”, nin para os que “queden”.

Non ao Decreto de privatización das Caixas de Aforros

2010-07-09T10:34:00.000+02:00

Dende o inicio do debate sobre o proceso de restruturación das caixas de aforros, dende a Confederacion Intersindical Galega denunciamos que estabamos ante un proceso de reconversión que tiña como obxectivo definitivo a privatización. Diciamos que tal e como fixo o PSOE fai 10 anos concentrando a banca pública no grupo Arxentaria para a súa posterior privatización, o proceso de concentración das Caixas por decreto tiña o mesmo obxectivo.

As declaracións realizadas onte polo Presidente do Goberno sobre o decretazo que aprobará hoxe o Consello de Ministros, dando entrada ao capital privado nas caixas con dereitos políticos é unha privatización pura e dura. Así mesmo permitir que as caixas se convirtan nunha fundación que poda transferir a xestión financeira a un banco é seguir o modelo italiano de privatización das entidades.

Ata o día de hoxe os beneficios das caixas repercutian na sociedade a través da Obra Benefico Social, coas cotas participativas os beneficios repercutiran nos petos dos accionistas (cotoparticipes) perdendo as caixas a súa natureza social.

Hai que lembrar tamén que cando na década dos oitenta se produxo o proceso de descentralización administrativa do Estado, as Caixas formaron parte das competencias exclusivas das Comunidades Autónomas co fin de exercer o papel de banca local e polo tanto contribuir ao desenvolvemento económico nos seus territorios de orixe. A actual privatización cercena as competencias en materia económica e financeira de Galiza.

A crise económica actual ten a súa orixe nun control público insuficiente dos sistemas financeiros, nun deixar facer ás entidades por parte dos Estados e dos Bancos Centrais, no noso caso dun incompetente Banco de España.

A CIG aposta por un control público e democrático da economía e do sistema financeiro. No caso das caixas non debemos confundir o control público co control partidista exercido ata o día de hoxe.

É demagóxia que diga que o problema principal é a presencia dos políticos nos Consellos de Administración quen tomou ao asalto os órganos de goberno das Caixas Galegas, se opuxo a lei de Caixas do Parlamento de Galiza e quere un periodo de transición para asegurarse que altos cargos públicos do PSOE continuen no Consello de Administración da nova entidade, nomeadamente Mar Barcón, Salvador Fernández Moreda ou Clemente Orozco. Si realmente creen que a súa presenza nos órganos de goberno é o problema deberían presentar a sú a dimisión de xeito inmediato.

En definitiva estamos ante un novo decretazo económico e social na liña do plan de axuste e da contrarreforma laboral que responde á unha visión antidemocrática da economía guiado polos extremismo ultraliberal do FMI e da UE que levan anos pedindo a privatización das Caixas de Aforros, un suculento bocado para os especuladores internacionais e a gran banca. Unhas entidades que naceron para favorecer a inclusión financeira das clases populares fronte a usura da gran banca, rematan privatizadas i en mans da mesma.

Dende a CIG facemos un chamamento a sociedade galega para defender o noso maior patrimonio empresarial, as Caixas son as maiores empresas de Galiza, non permitamos que paguemos entre todos e todas o seu saneamento con recursos públicos para ser privatizadas, é dicir entregadas aos de sempre: aos empresarios amigos dos partidos de goberno.

Artigo de opinión sobre o pacto laboral da fusión

2010-07-08T01:16:00.001+02:00

A edición de hoxe do Xornal publica un novo artigo de opinión do noso Secretario Nacional analizando o impacto das medidas laborais impostas polo goberno central e a súa repercusión sobre a negociación do Pacto Laboral da fusión das Caixas Galegas.

A impugnación da UGT

2010-07-07T14:17:00.001+02:00

Respectábamos pero non compartimos a posición da UGT e CGT, pero non é de recibo que a UGT diga que outros sindicatos rachamos a unidade de acción e ante esta acusación non imos quedar calados.

Todos os sindicatos asinamos un acordo para a composición dunha mesa de 16 e así se conformou. Outra cuestión é o número de "liberados" cos que contaremos os sindicatos para poder apoiarnos durante o difícil proceso de negociación.

A diferenza real é que UGT considera que debemos contar cun liberado mais por sindicato. Para a CIG contar cun liberado mais non é motivo suficiente para deixar de participar na mesa da fusión, para que non se constitua, ou para falar de impugnala.

Porque UGT asinou un acordo para constituir unha mesa de 16 e agora vai contra os seus propios actos?, eles saberan. A representatividade de cada sindicato na mesa xa estaba plasmada no citado acordo que eles tamén asinaron e non mudou. Tratar de enfrontar aos dous cadros de persoal con posicións localistas só beneficia ás Direccións.

En todo caso quen fixo unha plataforma en solitario e a espallou entre o persoal non ten nada que dicirnos sobre a unidade de acción.

Plataforma feita a base dun corta e pega doutras fusións e que ao non centrarse na realidade das caixas galegas elimina dereitos actuais do persoal. Tamén inclue peticións que en boa lóxica corresponden á parte empresarial (como poder aplicar baixas indemnizadas é dicir despedimentos pagados) e que en principio o resto rexeitamos onte.

A CIG asume e se responsabiliza dos seus actos. Agardamos que outros fagan o mesmo no canto de procurar un protagonismo esteril.

Comezou a mesa de negociación

2010-07-07T09:44:00.000+02:00

Comunicado conxunto de CIG, CCOO e CSICA remitido ao persoal o día 6 de xullo informando sobre a reunión na que se constituiu a mesa negociadora do pacto laboral da fusión.

Hoxe arranca definitivamente a mesa laboral, temas tratados:

1.- Constitución da mesa: de acordo co solicitado por toda a representación sindical das dúas Entidades, estará composta por 16 membros. Así mesmo pactáronse os aspectos formais da negociación.

2.-Avance da posición das Caixas:

- Desvinculación: Para os “excedentes” anticiparonse as distintas alternativas sobre as que existe compromiso formal de trasladarnos unha propuesta concreta na vindeira reunión, indicaron que a “solución estrela” serán as Prexubilacións; Baixas Incentivadas; Suspensión temporal de contratos con compensación económica; xubilacións anticipadas e parciais. Todo elo baixo a premisa de VOLUNTARIEDADE. Todos os procesos de desvinculación e reestructuración serán graduais e escalonados no tempo.

- Respeto e garantía das condicións laborais actuais como punto de partida.

- Clasificación de oficinas: negociación dun novo sistema respectando os procesos actuais de consolidación.

-Plans de pensións: Intención de sentar as bases para unha futura integración dos planes.

- Beneficios sociais: Converxer os actuais, unificándoos en novas figuras.

-Mobilidade xeográfica: negociación de condicións en caso de superar os 25 km.

- Desinvestimentos: en canto á venda de oficinas segue abierta esta posibilidade, de producirse durante o proceso de negociación da mesa laboral tratarase nela.

A vindeira reunión da mesa producirase o vindeiro 13 de xullo, nesta sesión a representación das Caixas formulará as propostas e facilitará información a respeito dos pontos expostos.

Comunicado conxunto CIG, CCOO e CSICA

2010-07-02T17:07:00.000+02:00

O día 1 de xullo, as caixas fixeron unha proposta para constituír a mesa negociadora o vindeiro día 6 ás 11 da mañá; a súa proposta contempla tamén unha composición de 16 persoas pola parte sindical, tal e como tiñamos solicitado, e aceptan 4 asesores/as por sindicato, un con presenza en mesa.

Aceptamos a proposta das caixas entendendo que non é positivo continuar coa situación de incerteza externa e interna sobre todas as cuestión laborais da fusión; ademais, temos a certeza de que os cadros de persoal das dúas entidades, as 7.800 persoas que traballamos nas caixas, queren que comecemos a negociación sen máis demora. É por iso que, en exercicio da nosa responsabilidade, o vindeiro día 6 constituiremos a mesa.

Artigo de opinión no Xornal

2010-07-01T18:19:00.000+02:00

Hoxe sae publicado un novo artigo de opinión do noso compañeiro Clodo, o Secretario Nacional da Federación, no Xornal. O artigo analiza a fusión das Caixas de arriba a abaixo e podes velo aquí.

Non hai que laiarse, hai que actuar!!

2010-06-30T11:58:00.000+02:00

Na reunión do día 28 as Caixas repetiron o guión anterior, informaron (sen facilitar documentación) sobre os datos xerais que xa coñecíamos sen darnos maior información da que xa coñecedes polos medios de comunicación.

Así mesmo pretendían reunirnos o día 6 de xullo para “comezar a falar de como iamos a constituír a futura mesa de negociación”. Finalmente, despois dunha posición de forza sindical, as Caixas fixeron unha contraproposta de mesa e dun calendario de reunións. Ao longo do mes de xullo haberá unha reunión semanal, dúas na última semana e na primeira de agosto valorarase manter 1-2 reunións ou deixar a negociación para setembro.

As Caixas pretenden adiar o proceso, entendemos que a espera da posible venda de oficinas. Deben valorar que o custe da fusión, das prexubilacións e da homologación será distintos si venden oficinas ou non. Alegan que non hai comprador para as oficinas, pero semella que mentres non o teñan claro pois tocará esperar por moito que se senten na mesa.

Pola parte sindical houbo queixas pola falta de información e porque non se facilite ningún tipo de documentación. Neste senso dende a CIG xa temos ampliado a denuncia presentada na Inspección de Traballo o día 21 de xuño, pensamos que non hai que laiarse, hai que actuar para defender os nosos dereitos.

Prexubilacións

O plan de axuste do goberno central inclúe o fin do período transitorio nas xubilacións anticipadas a tempo parcial, unha figura que ata o de agora foi utilizada polas Caixas.

Ademais a anunciada reforma da Seguridade Social semella que incluirá tamén alongar a vida laboral (pode que ata os 67 anos).

Estas dúas cuestións e outros contidos da reforma laboral (como o amplo abano de posibilidades para as empresas por causas “organizativas”) condicionan o marco da fusión, nomeadamente das xubilacións anticipadas e prexubilacións. Debemos ser cautelosos nas nosas formulacións, por exemplo para evitar que a futura reforma afecte negativamente ao persoal xa prexubilado.

Mobilización conxunta para demandar equipas de substitucións

2010-06-30T08:52:00.001+02:00

A CIG estivo presente na concentración conxunta convocada na central para demandar a contratación de reforzos para a rede de oficinas. A endémica falta de persoal viuse agrabada debido a non contratación de reforzos durante o verano. Despois dunha reunión con RRHH a Dirección aprobou unha partida orzamentaria para a contratación de reforzos, pero só é un terzo das de anos anteriores.

Hai oficinas de oito persoas con catro traballando, ocasionando un caos que sofren traballadores e traballadoras e a clientela. Logo diran que sobramos coa fusión e que hai que incrementar a produtividade, ver para creer.

O xefe da Inspección é docente na Escola de Negocios de Caixanova

2010-06-24T09:34:00.000+02:00

A actuación da Inspección de Traballo ante a denuncia por presenza de amianto na estrutura do edificio da central en Garcia Barbón foi mais que cuestionable, nomeadamente a actuación do xefe da Inspección en Pontevedra. No apartado de saúde podedes ver toda a información ao respecto.

Esta persoa manten vinculacións con Caixanova, figura como un dos docentes na Escola de Negocios de Caixanova en Vigo.

Loitando polas mellores condicións: Mobilizacións e denuncias

2010-06-23T11:23:00.000+02:00

Se queremos as mellores condicións para o persoal que quede e para o que marche prexubilado, temos que loitar por elas, ninguén vai a regalarnos nada. Dentro do duro plan de axuste exposto polas Caixas o máis doado é recortar persoal e salarios (os nosos, claro) e nesas andan.

Ante esta situación de anuncio de recortes sen xustificación, temos dado un novo paso mobilizándonos o pasado día 22 de xuño na central de Caixanova en Vigo. Unha concentración na que participaron a CIG e a CGT.

Delegados e delegadas, fundamentalmente de Caixa Galicia e Caixanova, concentrámonos ás 12:00 da mañá diante da Central desta última en Vigo nunha ruidosa protesta.

Así mesmo, a CIG ten presentado denuncias na Inspección de Traballo e na Consellería de Traballo contra ambas entidades. Na mesma liña presentamos alegacións como sindicato ante o Banco de España, xa que consideramos que o proceso está sendo irregular e se incumpre a lexislación laboral.

Que as direccións non faciliten documentación sobre a situación económica, tal e como esixe o Estatuto dos Traballadores, semella ter como fin agochar a situación real das Caixas e que os culpables asuman responsabilidades.

A CIG está en marcha, non pensamos que se deba agardar a setembro para convocar mobilizacións nas Caixas, este é o momento de defender o noso, por iso nos mobilizamos e denunciamos os incumprimentos.

Vídeo propio concentración na central

2010-06-22T17:22:00.001+02:00

Novo vídeo da ruidosa concentración do día 22 na central.

Video do telexornal da TVG sobre a concentración

2010-06-22T16:51:00.001+02:00

O día 22 de xuño ás 12 horas da maña delegados da CIG e CGT concentrámonos ante a oficina principal de Caixanova en Vigo na rúa García Barbón co fin de protestar contra o oscurantismo das Direccións.

Nas dúas reunións celebradas ate o día de hoxe as Caixas agocharon toda a información relativa ao custe laboral (sabemos que a fusión afectará a 2.400 postos de traballo) e non facilitaron ningún tipo de documentación. As Dirección non queren que coñezamos a situación real para impedir que esixamos responsabilidades sobre a súa mala xestión.

A CIG e CGT promoveran novas mobilizacións si as Caixas non convocan de xeito inmediato á representación sindical e comezan un proceso de negociación claro e transparente.

Denuncias e alegacións

2010-06-21T14:27:00.000+02:00

Ante unha actuación opaca e incluso atentatoria contra o dereito á liberdade sindical, temos presentado denuncia na Inspección de Traballo, dirixímonos á Consellería de Traballo e presentamos alegacións ao Plan de Viabilidade que remitimos ao Banco de España.

O plan de viabilidade implica un proceso de reorganización das empresas, que entendemos non foi tramitado correctamente previa a súa aprobación por parte dos respectivos Consellos de Administración, así mesmo a falta de información e documentación por parte das Caixas pode supoñer unha vulneración do dereito a liberdade sindical. Moito nos tememos que a opacidade en canto a información económica que sustenta o proxecto ten moito que ver con impedir que coñezamos a situación real das Caixas e polo tanto que podamos esixir responsabilidades aos actuais xestores.

Entendemos tamén que legalmente o Banco de España e a Comisión reguladora do FROB poden impoñer un recorte na capacidade das Caixas, pero en todo caso defendemos que ese proceso debe desenvolverse conforme á lexislación laboral. Entendemos que as Caixas non o fixeron e así o temos denunciado na Inspección de Traballo, remitimos escrito á Consellería de Traballo e presentamos alegacións no Banco de España.

Os únicos números da fusión que estan claros é que hoxe somos 7.800 as persoas que traballamos nas Caixas e queren reducilas a 5.400 no 2015. Hai 2.400 postos de traballo en xogo sen que saibamos como pretenden levar adiante esa reorganización. Daremos a batalla.

Representantes do persoal de seguridade ou limpeza súmase á concentración

2010-06-18T09:23:00.000+02:00

Os representantes do persoal das empresas de seguridade ou limpeza que traballan para Caixa Galicia e Caixanova, sumaranse á mobilización prevista para o vindeiro día 22 de xuño na central de Caixanova en Vigo. A CIG pediu a creación dunha mesa propia para negociar o impacto laboral nas empresas auxiliares e de servizos, pero as Caixas tampouco contestaron a esta reivindicación.

Así mesmo a CGT de Caixanova anunciounos que tamén se suma a convocatoria e que estarán presentes nesa mobilización.

Comezamos as mobilizacións, o 22 en Caixanova

2010-06-17T09:52:00.001+02:00

A opacidade e desprezo por parte das direccións, que se negan a abrir un proceso de negociación sobre o impacto laboral da fusión e trasmiten informacións sesgadas e incompletas sobre o mesmo, fan preciso dar un paso adiante polo que temos decidido convocar unha concentración de delegados/as o vindeiro día 22 de xuño na central de Caixanova en Vigo.

Entendemos que a responsabilidade laboral, cando menos, recae sobre a Dirección de Caixanova toda vez que foi Oscar Rodríguez Estrada quen falou en nome de ambas Caixas marcando os criterios na reunión do día 14, de aí que elexíramos a entidade con sede en Vigo. Protestamos ante quen manda.

Din que os excedentes seran 1.200 persoas, pero ao mesmo tempo indicaron que a nova entidade no 2015 terá 5.400 traballadores/as fronte ás 7.800 actuais. Polo camiño perderemos outras 1.200 persoas sen que saibamos onde, cando e como.

As persoas maiores de 55 anos teñen dereito a seguir traballando si o desexan, ter 55 anos non é un delito nin motivo suficiente para ser excluido do mundo laboral. Si as Caixas e o Banco de España queren desfacerse delas para reducir custes para solucionar os problemas creados pola mala xestión duns e a pésima supervisión dos outros, os compañeiros e compañeiras teñen dereito a prexubilarse cunhas condicións dignas pactadas e negociadas. Quen leva anos e anos de servizo na empresa, ao pé do cañon, merece todo o respecto.

Os menores de 55 teñen dereito a ver respectadas as súas condicións laborais e todos e todas temos dereito a percibir o mesmo salario polo mesmo traballo, non renunciaremos á homologación partindo do respecto aos dereitos consolidados.

Sabemos que estamos no inicio do proceso e que moitas cuestións estan no aire pero iso non implica que as Caixas teñan un cheque en branco. Por exemplo semella claro que os desinvestimentos de activos por valor de 8.000 millóns de euros son precisos para que Caixa Galicia e Caixanova afronten os 9.100 millóns de vencementos de débeda que teñen ata o 2012, unhas débedas excesivas froito dunha mala xestión. Pero eses desinvestimentos poden ter repercusións laborais, implican a posible venda de oficinas tamén da rede galega, temos dereito a coñecer os plans que hoxe as caixas agochan no caixón.

Por todo isto o vindeiro día 22 de xuño comezamos, mellor dito continuamos, o proceso de mobilizacións. Manterémosvos informados.

A CIG considera insuficiente a información transmitida polas Caixas Galegas durante a presentación do plan de viabilidade

2010-06-15T14:45:00.000+02:00

O 14 de xuño os departamentos de Recursos Humanos de Caixa Galicia e Caixanova, as dúas consultoras contratadas (Deloitte e Princewater) e máis os dous despachos de avogados externos contratados para asesorar ás entidades en materia laboral, presentaron á representación sindical o plan de viabilidade que será remitido ao Banco de España. Non obstante, a CIG considera insuficiente a información achegada, xa que non se especifica o número exacto de traballadores/as que se verán afectados/as polo proceso de fusión, cantos poderán acollerse a prexubilacións ou cantas oficinas en total van pechar e/ou vender, ademais de non estabelecer un calendario para a negociación laboral, que previsibelmente quedará fixado para pleno período estival.

Caixa Galicia e Caixanova emitiron un comunicado aos medios no que indicaban que pecharían 200 oficinas en Galiza, un dato que non lle foi presentado aos sindicatos, indicando ademais que era un dato do que non dispuñan. “Un indicativo do desprezo cara á representación legal dos traballadores/as por parte de ambas entidades”, critica a CIG-Banca.

Na reunión coa representación sindical do luns, as dúas consultoras debullaron a situación actual das Caixas, os requisitos en materia de solvencia, negocio e produtividade que impón o Banco de España e as medidas a tomar para poder cumprir o plan que faría que a nova Caixa fora viábel no 2015.

Proceso de “desinvestimento”

En primeiro lugar, explican dende a CIG-Banca, as auditorías actuais, como a de KPMG, insisten na necesidade de volver ao negocio minorista, reducir o financiamento nos mercados internacionais e reducir a exposición ao sector do ladrillo. En definitiva dar marcha atrás ao modelo de xestión implantando polas cúpulas das entidades dende o ano 2005, tal e como viña demandando a CIG dende ese ano.

Por outra parte, as consultoras apuntan que será preciso un plan de desinvestimentos de activos por 8.000 millóns de euros, que pode afectar a actual estrutura da Obra Social e á venda de parte da rede de oficinas co persoal incluído.

Recorte de persoal e peche de oficinas

Tamén se contemplan recortes en materia de emprego, que as Caixas agardan solucionar na maior parte por vías non traumáticas, sen especificar cales serían as posíbeis vías traumáticas a utilizar e a canto persoal afectaría.

A priori, aclara o Secretario nacional da CIG-Banca, Clodomiro Montero, as entidades expuxeron que pecharán 300 oficinas (sen contar coas que poidan ser vendidas), mais non especificaron os criterios utilizados para decidir o número de peches, que causaría un “excedente” de 760 persoas. Tamén habería reducións e peches nos servizos centrais sen especificar se serían en Vigo, A Coruña ou Madrid e que afectarían a outras 470 persoas. Mais por outra parte indicaron que no 2015 a nova Caixa terá 5.400 traballadores/as, cando a cifra actual superaría os 7.000, polo que o recorte será maior do anunciado.

“Para a CIG a primeira función social das empresas é a creación de emprego, moito máis nas Caixas e non é de recibo que nunha fusión realizada en nome da “galeguidade” a maior parte dos recortes laborais deban asumirse en Galiza onde ademais as oficinas son rendíbeis”, subliña Montero.

Recursos propios

En relación ao fortalecemento dos recursos propios previsto para cumprir os ratios de solvencia no 2015, preguntados pola CIG os consultores indicaron que o Plan de Negocio non contempla como precisa a emisión de cotas participativas, o instrumento polo que apostan PP e PSOE como vía de capital privado nas Caixas que levaría a súa privatización.

Sen data para a negociación laboral

Ademais, a negociación laboral non ten data, toda vez que indicaron que o día 29 agardan poder presentar o plan de viabilidade definitivo e posteriormente as Caixas convocarán a negociación cando elas queiran e como elas queiran, xa que non aceptan a composición de mesa pactada por toda a representación sindical. “Pretenden unha negociación en pleno verán, coa metade dos cadros de vacacións, co fin de implantar os duros recortes que deseñan en segredo as cúpulas de ambas entidades”, denuncia a CIG-Banca

Confirmada a reunión coas Caixas o lúns

2010-06-11T13:36:00.000+02:00

Caixanova e Caixa Galicia confirmaron que o lúns 14 de xuño terá lugar a reunión prevista para que as dúas Consultaras presenten á representación sindical o Plano de Viabilidade, que debe incluir o impacto laboral da fusión.

Esta vez, cumprindo co ritual da "paridade, equilibrio e demais", a reunión será nun local de Caixanova (a anterior foi nun local de Caixa Galicia). Ver para creer.

A CIG convoca manifestación en toda Galiza o 17 de xuño

2010-06-10T14:46:00.001+02:00

Milleiros de persoas perderon o seu posto de traballo dende o inicio da crise grazas as altas taxas de temporalidade, ERE’s e despedimentos individuais e colectivos; agora está en marcha unha reforma laboral para facilitar aínda máis os despedimentos; está anunciada unha reforma das pensións para outubro co fin de alongar a vida laboral; están en marcha recortes nos servizos públicos e aos pensionistas; anunciouse o incremento dos impostos indirectos (mantendo artificialmente baixos os impostos das rendas máis altas); hai un proceso de privatización e precarización dos servizos públicos (hospitais, ensino ou caixas de aforros); continúa a transferencia de renda e recursos públicos ás empresas (multimillonarios rescates bancarios; subvencións públicas ás empresas; pago público de infraestruturas que só interesan ás grandes empresas, etc.).

En definitiva, estamos ante unha crise que os mercados (é dicir, a dereita económica, política e empresarial) queren que paguemos os e as que vivimos do traballo.

Xa pagamos en tempos de bonanza: no laboral, pola implantación dun sistema de organización do traballo en precario (temporalidade, ritmos de traballo asfixiantes, longas xornadas laborais, redución dos salarios) e no económico, porque fomos as vítimas da especulación sobre os bens básicos (alimentos, vivenda, subministro de electricidade, gas e luz, etc.) que xerou a crise.

Dende o inicio da crise vimos reclamando un cambio de modelo económico que habilitase unha saída social. Pola contra, utilizan a crise como escusa para implantar un modelo económico e social que a maioría democrática da cidadanía rexeita.

Por todo isto, a CIG convocamos mobilizacións de protesta e propuxemos a convocatoria dunha FOLGA XERAL en varias ocasións dende o inicio da crise. Entendemos que é preciso pasar a ofensiva, para que non utilicen a crise para implantar un réxime económico e político lesivo para os intereses da maioría.

O vindeiro 17 de xuño os traballadores e traballadoras de toda Galiza estamos chamados a manifestarnos coa CIG.

Vigo, 20:00, Vía Norte
A Coruña, 20:00, Praza da Palloza
Santiago, 20:30, Praza Roxa
Pontevedra, 20:30, Praza de Ferrería
Ferrol, 20:00, Avda. de Esteiro
Lugo, 20:00, Parque de Frigsa
Ourense, 20:00, Pavillón dos Remedios
Vilagarcía de Arousa, 20:30, Casa do Mar

Opacidade, ocultación e imposición

2010-06-07T19:54:00.000+02:00

As Direccións de ambas Caixas comprometéronse a manter a máxima transparencia e claridade en todo o proceso, pero polo momento a día de hoxe, continuamos sen coñecer nin sequera as previsións coas que traballan. O proceso é opaco, oculto e non hai negociación.

Semella pouco crible que non teñan ningún tipo de previsión sobre o número de persoas “excedentes” (así lles chaman eles), sobre as posibles prexubilacións, ou sobre o número de oficinas e departamentos de Servizos Centrais que pecharán. Se hai previsión e non a contan, malo; se perderon o tempo durante meses repartindo o poder sen deseñar a fusión, peor.

Máis ben parece que queren presentarnos eses datos dentro do plano de viabilidade, unha vez aprobado polo Banco de España e, polo tanto, como indiscutible e sen marxe de negociación. As Direccións queren escudarse no BdE para impoñernos unha negociación á baixa.

Se o BdE será quen decida en última instancia sobre as cuestións laborais e económicas, incluídas as persoas que “sobran” e a partida económica que hai para desfacerse delas, a negociación verase reducida ata a nada.

A propia homologación das condicións laborais veríase condicionada polo recorte de custes que impoña o citado organismo.

Por exemplo, ¿que pasará se os compañeiros/as prexubilables, ante unha oferta miserenta deciden seguir traballando e non se “amortizan” os postos de traballo que queren as Direccións e o BdE?

Resulta sorprendente que no acordo de integración se dupliquen as altas direccións e se dupliquen as Consultoras e asesores de todo tipo, pero se condicione a negociación laboral á aprobación do plano de viabilidade por parte do BdE.

Ante esta situación, a CIG é partidaria de mobilizacións e así llo propuxemos aos outros sindicatos, que contestaron que “non as ven polo momento”, polo que non desbotamos mobilizacións en solitario se as Caixas continúan actuando de xeito opaco, non facilitan información e pretenden negociar escudándose no BdE para recortar postos de traballo e condicións laborais.

As Caixas non negociarán o impacto laboral da fusión

2010-06-04T14:39:00.001+02:00

Quedou claro, as Caixas non negociarán o impacto laboral da fusión, o número de oficinas que pecharan, os departamentos de servizos centrais que se eliminaran ou nen tan sequera o número de postos traballo que serán amortizados.

As propias prexubilacións estaran condicionadas á partida económica prevista no plano de viabilidade e ao axuste que estableza posteriorente o Banco de España que tutela o proceso.

O vindeiro día 14 as Caixas preven que as dúas consultoras contratadas para realizar o plan de viabilidade (que inclue o custe laboral)o teñan rematado e polo tanto que sexa presentado aos sindicatos, posteriormente e previa aprobación polos Consellos, será enviado ao Banco de España.

Posteriormente o Banco de España reaxustará o plan de viabilidade, que fixará os termos da fusión e polo tanto o marco económico e os recortes de emprego que condicionaran a negociación do pacto laboral que comezaría o 29 de xuño. Unha negociación no verano coa metade dos cadros de persoal de vacacións.

Sen poder negociar o impacto sobre o emprego, as negociacións poden verse reducidas á negociación da vía de saída da entidade de centos de persoas e as condicións laborais para os que queden na Caixa. O Banco de España acotaría o terreo de xogo, situandose por riba da lei, noutros sectores calquera proceso de restruturación debe negociarse coa representación sindical.

En relación a venda de oficinas e preguntados pola CIG contestaron que na comisión de rede comercial non se falou desta cuestión, non sabemos si noutras comisións pode que o falasen.

Así mesmo quedaron en contestar a proposta da CIG para crear unha mesa negociadora paralela para o persoal da Obra Social, da Fundación, das empresas auxiliares e de Servizos. Agradecemos que agora outros sindicatos, que non respaldaron a proposta na mesa, agora a fagan súa publicamente.

Por último comentar que quedaron fixadas as persoas que negociaran polas caixas, Gonzalo Iglesias e Rubén Martínez Nieto por Caixanova e Miguel Angel Prado de Lucas e Antonio Cárdenas por Caixa Galicia. Contaran ademais co asesoramento dos despachos Sargadoy e de Ricardo Pradas (o ex voceiro da ACARL).

A fusión semella un bo negocio para consultoras, auditorias e despachos varios que traballan ademais de xeito duplicado. Semella que os equipos directivos non só non souberon xestionaron correctamente as entidades, si non que siguen cobrando e precisan contratar a outros para que fagan o seu traballo.

Circular conxunta

2010-06-04T14:32:00.000+02:00

Onte iniciáronse formalmente os contactos para establecer o marco de negociación e acordo do Pacto Laboral na nova Entidade.

Na reunión presentáronse os representantes das Caixas que estarán na Mesa, catro en total, encabezados polos respectivos Xefes de RRLL e que contarán co asesoramento de dous despachos xurídicos (Sagardoy e P&C-Pradas y Cebrián).

Ante a petición das Caixas dunha proposta sindical de constitución de mesa, presentouse a seguinte:

* CCOO........6 representantes
* CSICA .......4 representantes
* CIG ..........3 representantes
* UGT..........2 representantes
* CGT..........1 representante

Ao mesmo tempo, solicitouse que todas as organizacións vexan incrementada a súa presenza con dous asesores/as na mesa e outras cinco persoas para a preparación dos traballos.

A próxima reunión celebrarase o día 14 de xuño, onde nos presentarán os borradores do proxecto de viabilidade e plan de integración, que se teñen que presentar ao Banco de España o día 15, e que están elaborando as empresas consultoras Deloitte e Price-Waterhouse, coa achega de datos que están elaborando as diversas comisións constituídas polas dúas Entidades.

Este primeiro borrador (provisional e estimativo), debe cuantificar o número global de oficinas que por “solapamento e/ou rendementos negativos” (únicos criterios barallados) está previsto pechar e, ao mesmo tempo, o número mínimo de traballadores/as necesarios para o novo proxecto.

Os datos que están servindo para estas proxeccións son a 31.12.09 e 30.04.10, e a proxección do estudo do borrador a entregar ao Banco de España é de cinco anos (2015).

Tamén se nos manifestou que na comisión que está elaborando os estudos laborais NON se tratou a venta da rede, descoñecendo se o tema se trata noutros ámbitos (en todo caso o día 14 sairemos de dúbidas).

A representación sindical manifestamos preocupación pola presentación do borrador o día 15 ao Banco de España, con só 1 día para que aportemos as nosas alegacións ao mesmo, xa que do mesmo, dependerá moito a negociación da mesa laboral.

Engadimos que, en todo caso, nós, a través das nosas Federacións, presentaremos as alegacións oportunas no Banco de España de non estar conformes co informe-borrador que se presente polas Direccións das Caixas, supeditando o noso voto favorable nos Consellos de Administración a que o proceso finalice cun acordo laboral.

O Banco de España, con toda seguridade, devolverá o primeiro borrador coas correccións que estime oportunas, para que se presente antes do día 30 o definitivo; por este motivo, está prevista una nova reunión o día 29 de xuño coa representación sindical.

Temos o convencemento de que estas dúas datas de xuño son IMPORTANTÍSIMAS para encarrilar as negociacións de homologación, que están previstas iniciar despois da aprobación polos Consellos das dúas Entidades do documento definitivo a presentar ao Banco de España.

Igualmente, solicitouse ás Caixas a constitución dunha mesa paralela de negociación para tratar a situación do persoal que traballa para a Obra Social - Fundación, así como as empresas auxiliares e de servizos, recollendo as Caixas a proposta.

Outra consultora mais, outra factura a pagar

2010-06-04T13:49:00.000+02:00

A fusión mais cara da historia, en canto a asesoramentos, consultoras, despachos de avogados e demais, ameaza con seguir marcando records.

Hoxe coñecemos que contrataron a consultora Russel Reynolds, para que avalie a "capacidade dos equipos directivos de ambas caixas".

Para iso non fai falta tirar o diñeiro só hai que mirar os balances e que expliquen porque non poden seguir en solitario ou porque hai que recorrer ao FROB impoñendo recortes laborais. Deberían presentar a dímisión e marchar para casa.

Comunicado conxunto da CIG, CCOO, CSICA, UGT e CGT nas Caixas Galegas

2010-05-27T18:01:00.000+02:00

Reunidas todas as seccións sindicais con representación en Caixa Galicia e Caixanova esiximos:

• A convocatoria urxente da mesa de negociación do pacto laboral da fusión e que se informe das previsións que manexan as empresas en relación ao emprego e as relacións laborais.

• O compromiso de non utilización de ningún tipo de medida traumática.

• A non segregación da rede.

• A negociación dun protocolo de homologación, partindo do recoñecemento dos dereitos adquiridos.

• A garantía de continuidade da Obra Social e da natureza xurídica das caixas de aforros.

• A presentación dun plan de futuro da nova entidade, cunha explicación clara do deseño dos centros de traballo.

• Un plan de prexubilacións negociado coa representacións sindical, voluntario para todas as persoas.

• O compromiso de mantemento das condicións laborais de todas as persoas que traballan en empresas vinculadas a ambas Caixas.

En Santiago de Compostela a vintesete de maio de 2010.

Inspección de Traballo: incompetencia, complicidade ou servilismo extremo

2010-05-26T09:19:00.000+02:00

Collese antes a un mentiroso que a un tolleito: o xefe da Inspección recoñeceu verbalmente a presenza de amianto e a súa manipulación indebida (temos probas). Agora formalmente din que non hai amianto, malia que houbo mostras positivas.

Houbo mostras das recollidas pola CIG, como das recollidas polos técnicos contratados por Caixanova nas obras da central que deron positivo en amianto, en concreto nas baixantes. A Dirección da empresa non negou incluso a evidencia dunha manipulación indebida malia que alegou que "atoparan as baixantes nese estado ao derrubar unha parede", tamén o propio xefe da Inspección recoñeceu este feito malia que lle restou importancia. Non se entende pois a posición da Inspección de Traballo que sen recoller mostras atrévase agora a dicir que non hai amianto.

Temos presentada denuncia na fiscalia, agardamos que a xustiza poña a Inspección de Traballo no seu sitio. Estamos ante un caso de incompetencia, complicidade ou servilismo extremo, ou cecais todo xunto aderezado polo control político: Caixanova é intocable.

O noso obxectivo era que se cumprira a lexislación extremando as medidas preventivas na obra, algo que conseguimos. Pero tamén para poder contar cun dossier que poidera servir de base a calquera traballador ou traballadora si o día de maña desenvolve unha enfermidade relacionada co amianto, para que poda reclamar ante a seguridade social e ante a propia Caixanova, neste senso a posición da Inspección é un obstáculo que agardamos salvar coa denuncia ante a Fiscalía.

Desconvocada a mobilización do día 24 de maio

2010-05-21T10:22:00.000+02:00

Decidimos desconvocar a mobilización prevista para o día 24 de maio diante da Consellería de Facenda que tiña como obxectivo reclamar información directa sobre o impacto laboral da fusión e a apertura dun proceso de negociación.

Nos vindeiros días está prevista unha reunión dos sindicatos, polo que decidimos adiar polo momento a mobilización en aras da posible unidade de acción.

Claves da fusións: a transición de tres anos

2010-05-15T08:54:00.000+02:00

Gayoso explicou que a esixencia dun período transitorio foi un requisito sinequanon de Caixanova (entendámonos que el persoalmente puxo sobre a mesa). E pedía un looooongo período.

Feijoo propuxo un período transitorio de tres anos, o argumento? como Presidente da Xunta de Galicia non podía ofrecer un prazo mais ala do mandato propio e restanlle tres.

"El que venga que les meta el diente, no quiero saber mas de cajas ni cajeros" debeu pensar Feijoo cando se meteu na cama o 11 de maio.

Por unha sola vez non lle falta a razón, pensamos o mesmo, pero a diferenza e que nos pensámolo en galego.

Nin Vigo, nin a Coruña, só gañaron as cúpulas

2010-05-13T21:40:00.000+02:00

O impacto laboral da fusión é un segredo a voces coñecido por toda a poboación de Galiza e espallado polos medios de comunicación: venda de rede de oficinas (en torno a 250); peche de oficinas (sobre 200); e 990 postos de traballo a amortizar, seica con prexubilacións.

Desgraciadamente os únicos que non coñecemos o impacto laboral da fusión somos os traballadores e traballadoras de Caixa Galicia e Caixanova e os seus representantes legais.

Mais ala dos comunicados públicos e das promesas de transparencia e claridade efectudadas por amabas cúpulas diretivas, a día de hoxe a opacidade caracteriza o proceso. Tampouco a Xunta de Galicia, que se contou co apoio dos sindicatos cando a fusión era unha entelequia e os escollos eran numerosos, foi clara e transparente nesta última fase. As reunións cos respectivos Directores Xerais foi unha mera escenificación sen contido.

Neste senso para a CIG rematou o tempo, si non hai unha convocatoria inmediata na que se poñan sobre a mesa o plan de reconversión e se abra unha negociación en toda regra (nada de mesas redondas) daremos inicio a un proceso de mobilizacións neste mesmo mes.

As cúpulas tiveron tempo de abondo para preparar a fusión, si non o fixeron foi porque estiveron dando un espectaculo público lamentable pelexando por seguir atados ás poltronas.

Os traballadores e traballadoras temos dereito a coñecer de primeira man que vai a ser dos nosos postos de traballo, non é de recibo que día si e día tamén recibamos sobresaltos cando abrimos os xornais, conectamos a radio, vemos a televisión, ou simplemente cando os preocupados clientes comentan sen malicia.

Non gañou Vigo, nin a Coruña, polo momento os únicos gañadores claros do proceso foron os altos directivos as dúas cúpulas duplicadas que continuaran engordando os seus petos. Ou nos mobilizamos ou os perdedores da fusión seremos todos nos, o resto do cadro de persoal de Caixa Galicia e Caixanova.

A CIG considera positiva a fusión e reclama a apertura da negociación

2010-05-12T08:23:00.000+02:00

A Confederación Intersindical Galega considera positivo o anuncio de fusión de Caixa Galicia e Caixanova, xa que permitirá que o país conte cunha gran caixa de aforros con capacidade para xestionar os aforros dos galegos e as galegas para crear riqueza e emprego no país.

Existía un claro perigo de deslocalización e desterritorialización das caixas de aforros galegas, a través da súa absorción por entidades de fora de Galiza. Un perigo conxurado polo nacemento dunha nova caixa de Galicia que deberá xestionar o aforro dos galegos e galegas para xerar riqueza, emprego e benestar no país.

Porén, a CIG lamenta que a Xunta de Galicia, que recorreu aos sindicatos para conseguir apoios nos momentos difíciles, prescindira de nós na segunda fase do proceso de fusión, malia que demostramos o noso compromiso, lealdade e responsabilidade con Galiza.

Mesa de negociación

En todo caso unha vez coñecido o reparto de poder entre as dúas cúpulas actuais, que até o de agora dificultaba a fusión, a CIG exixe a apertura inmediata dunha mesa de negociación para abordar todo o relacionado co emprego e as condicións laborais, tanto para o persoal das Caixas como da Obra Social, das empresas auxiliares e das empresas de servizos (seguridade, limpeza, mantemento, etc). En total son mais de 10.000 postos de traballo os ligados ás Caixas de Aforros.

Así mesmo consideramos preciso coñecer o custe económico e social da fusión, entendido como se serán precisos desinvestimentos en empresas estratéxicas para Galiza (como R, Pescanova, eólicas, etc); o impacto sobre o orzamento da Obra Social; ou cal será a expresión real do reparto das sedes (2.000 persoas traballan nos Servizos Centrais en Vigo e A Coruña).

Pero non é menos importante, coñecer o novo modelo de xestión para evitar os erros do pasado, a especulación financeira e no sector inmobiliario. Para a CIG a nova Caixa debe apostar claramente por unha xestión ligada aos sectores produtivos que permita superar á crise económica. Pero tamén un modelo de xestión sostible respectuoso cos clientes, favorecendo a inserción financeira de quen menos ten.

A CIG agarda tamén que se clarifique canto antes o futuro da entidade despois do acordo en Madrid entre PP e PSOE para modificar a lei de Caixas estatal co fin de privatizar as Caixas de Aforros. Non sería de recibo que Galiza afronte o custe económico, social e laboral dunha fusión e que posteriormente a Caixa sexa privatizada por un acordo en Madrid e sexa entregada á gran banca.

Maña o Director Xeral informará aos sindicatos

2010-05-11T19:21:00.000+02:00

O Director Xeral de Caixanova convidou maña aos sindicatos a unha reunión xunto coa equipa directiva para informar da fusión de Caixanova con Caixa Galicia.

Agardamos poder contar con mais información da que transmitiu Feijoo aos medios para poder comunicarvola a maior brevidade posible.

Carlos Principe continua tirando da manta

2010-05-09T21:39:00.000+02:00

É doado tirar da manta cando un xa non ten cargos políticos, pero aí quedan as declaracións do socialista vigues Carlos Principe. Para quen non as escoitou, dicirlle que é mellor a primeira.

Noraboa aos excelentes xestores de Caixanova, que Deus lle dea saúde para seguir moitos anos.

Primeira tirada de manta.

Segunda tirada de manta.

Axudas da Xunta de Galicia á conciliación da vida laboral e familiar

2010-05-04T12:41:00.000+02:00

O Diario Oficial de Galicia fai publica a resolución do 23 de abril de 2010, da Secretaría Xeral da Igualdade, pola que se regulan as bases para a concesión das axudas á conciliación da vida familiar e laboral como medida de fomento da corresponsabilidade para os traballadores que se acollan á redución da súa xornada de traballo. As solicitudes poderán presentarse ata o 31 de agosto de 2010.

Podes ver aquí un resumo.

Fusión e clasificación de oficinas

2010-05-03T11:24:00.000+02:00

O ano pasado a CIG non subscribiu a clasificación de oficinas en Caixanova, por entender que era cicatera e non resistía a comparación coas existentes noutras Caixas de Aforros do noso entorno, cando por outra parte cada día son maiores os requirimentos comerciais aos Directores/as e Interventores/as.

Agora, nestes tempos nos que se fala de fusión con Caixa Galicia, temos que dicir que na outra caixa, as condicións laborais están moi por riba das de Caixanova, froito dunha maior sindicalización e grazas á confianza do persoal de Caixa Galicia na CIG, sindicato maioritario a nivel galego.

Se hai fusión, teremos en primeiro termo que acadar un compromiso en materia de emprego, e posteriormente homologar as condicións laborais de todo o cadro de persoal. Neste senso, a modo de exemplo e para o voso coñecemento, achegamos comparativa da clasificación de oficinas.

Moitos apoderados/as en Caixanova non chegan a nivel VI, cando en Caixa Galicia negociamos estender a carreira profesional do persoal administrativo ata o nivel VI (antigo oficial superior), ligada á consecución de obxectivos.

Nos vindeiros días seguiremos expoñéndovos as diferenzas nas condicións laborais para todos e cada un dos colectivos. Coa fusión, o persoal de Caixanova ten moito que gañar.

Comparativa clasificación oficinas Caixanova e Caixa Galicia.

O SMG (salario mínimo garantido) é un complemento que establece as retribucións brutas mínimas anuais que se debe percibir en cada un dos postos. A diferenza retribuese cun complemento absorvible.

CCOO autoriza un ERE na fusión das Caixas de Castela León

2010-05-01T10:07:00.001+02:00

O Pacto Laboral da Fusión de Caja España e Caja Duero, asinado por CCOO e CSICA, forma parte dun ERE (Expedente de Regulación de Emprego), que agora debe ser aprobado pola autoridade laboral para entrar en vigor. Estamos ante un perigoso precedente nun momento de restruturación do sector financeiro que ten comezado polas Caixas de Aforros.

A CIG, que foi excluida na mesa negociadora deste proceso, rexeita claramente que o Pacto Laboral forme parte dun ERE. Admitir que duas entidades financeiras con beneficios; que afrontan un proceso de fusión acordado e con axudas públicas; no que as cúpulas directivas responsables da situación das entidades continúran a fronte; presenten un ERE sen facilitar toda a información á representación sindical, senta un precedente que pode ser utilizado posteriormente por outras entidades.

Unha vez mais denunciar que mentres no resto dos sectores as axudas públicas estan condicionadas ao mantemento do emprego, as axudas as entidades financeiras son para destruir emprego.

Ademais as fusións non poden servir para agochar os problemas nos caixóns (nas caixas grandes), que continúen as irresponsables cúpulas directiva e que sexa o persoal o pagano da mala xestión.

Segundo as Caixas de Castela León este ERE, do que non facilitaron información aos sindicatos, suporá un aforro de 50 millóns de euros, que permitirá mellorar as condicións do persoal que sexa despedido e homologar as condicións do persoal que continue. As prexubilacións na práctica consisten en que a nova entidade complementará as prestacións de desemprego ata 90% si o traballador/a renuncia a novas achegas no Plan de Pensións ou do 80% si quere que continúen.

Hai que lembrar que nos plans de pensións de prestación definida é habitual que as maiores prestacións sexan nos últimos anos da vida laboral, polo que a extensión deste tipo de condicións a outras empresas sería especialmente gravoso para o persoal.

Pensamos que todos e todas os traballadores e traballadoras de bancos e caixas tedes o dereito de coñecer como as gastan algúns sindicatos, coa aprobación de ERE´s a cegas sen coñecer nin sequera o seu contido.

Na recente liquidación do Citifin aceptaron o despido colectivo do persoal a través de baixas incentivadas en contra da opinión do persoal expresada nun referendo, pero agora aprobando un ERE dan un salto cualitativo. CCOO abriu unha porta no sector que estaba ben pechada.

Publicado o comunicado censurado, pero...

2010-04-29T23:24:00.001+02:00

Hoxe a Dirección de Caixanova colgou por fin o noso comunicado, pero claro, porqué sacou outro dando a súa versión e non quedaba ben o desmentido sen distribuir o orixinal. O reparto na central, que provocou unha lóxica demanda de información por parte do persoal, tamén dificultou a tentativa de ocultación da realidade.

Dín que se estan realizando controis habituais coa presenza da Inspección e do ISSGA por iniciatia da Caixa ante a preocupación pola saúde do persoal. Recoñece que se recolleron mostras (temos publicado as fotos da recollida neste blog, como para negalo). Tamén di que non se manipulou o amianto (non dician que non o había?) indebidamente e nega ningún tipo de risco para o persoal da central xa que non o manipulou directamente. En canto a algunhas das súas afirmacións, estamos en disposición de poder rebatilas e farémolo cando chegue o momento, publicaremos as probas que obran no noso poder.

Por outra parte na Comisión de Prevención anunciaron unha análise do aire, curiosamente unha proba que demandamos a Inspección a semana pasada, pero que agora despois do lavado de cara das obras e de que se ventilase o local durante días pode ser ineficaz.

Non só a manipulación directa é perigosa.

A contaminación que pode supoñer a manipulación non controlada do amianto producese a través do aire, o pó en suspensión que pode ser inhalado si non se ailla a zona conforme a normativa utilizando incluso equipos de depresión para impedir a saída do pó. Non só quen manipula directamente o amianto está exposto ao risco laboral, tamén quen esté exposto ao pó das obras.

A reacción doutros sindicatos.

Uns negaron que houbera amianto e dixeron que se fiaban da dirección (hora e media despois tiñamos o certificado positivo na man), outros dixeron que non tiñamos que telo comunicado porque causa alarma (negandovos o dereito a estar informados) e outros dixeron que tiñamos que ter solicitado a creación dunha comisión interna antes de denunciar na Inspección (si queres que algo non funcione crea unha comisión).

Nos estamos convencidos do que fixemos, nin a empresa, nin quen trata coas súas críticas de tapar a sua propia incompetencia ou servilismo, quebraran a nosa firmeza na defensa da vosa saúde e do dereito a estar informados.

Lembrade que os delegados de prevención da CIG estan a vosa enteira disposición para calqueira aclaración, consulta ou dúbida que nos queirades trasladar.

CIG-Banca reclama firmeza por parte da Xunta de Galiza fronte ás actitudes personalistas das direccións das dúas entidades

2010-04-28T20:23:00.000+02:00

A federación de Banca e Aforros da CIG vén de remitir un comunicado referido a actual situación de bloqueo na que se atopan as negociacións arredor da fusión de Caixa Galicia e Caixanova no que reclama firmeza perante a actitude das direccións de ambas as entidades para que remate "coa chantaxe a toda a sociedade galega por parte dos máximos directivos".

Ante o bloqueo da negociación da fusión de Caixa Galicia e Caixanova por intereses bastardos, por meras disputas de reparto de poder entre as dúas Direccións, cando finalmente ata o Banco de España tivo que recoñecer como viable, queremos deixar clara a nosa posición.

A crise económica está tendo no Estado e en Galiza, un maior impacto sobre o emprego que noutras economías europeas, sen dúbida debido a moitos factores, entre eles ás restricións ao creto. As dificultades para acceder ao financiamento por parte das pequenas e medianas empresas, e a xustificación de ERE´s e despedimentos. Dificultades que chegan a empresas con carga de traballo, pero que non conseguen financiamento.

A posible recuperación económica, a saída galega da crise, vai vir condicionada pola recuperación do creto ás persoas e ás pequenas e medianas empresas; para iso é precisa unha rápida reestruturación do sector financeiro, nomeadamente das Caixas de Aforros Galegas. Nin Caixanova nin Caixa Galicia, en solitario, poden seguir financiando a economía galega co ata o de agora.

Galiza, asfixiada por un modelo de financiamento autonómico discriminatorio e ante o recorte dos fondos europeos a medio prazo, debe contar cunha gran Caixa de Aforros capaz de xestionar os recursos e o aforro dos galegos e das galegas, para crear riqueza, emprego e benestar no país.

Se en calquera circunstancia a posición da Dirección de Caixanova sería reprobable, neste escenario económico, boicotear a fusión, é aínda mais grave.

Por outra parte, ao longo dos últimos meses os traballadores e traballadoras das caixas vivimos unha dura campaña, poñendo en dúbida a viabilidade da fusión, e incluso dunha das caixas, por parte de irresponsables políticos que agora se demostran defendían exclusivamente os intereses personalistas.

Dende a CIG-Banca e Aforro entendemos que os políticos deben transmitir confianza sobre o sistema financeiro galego, todo o contrario do que fixo o PSOE ao longo deste proceso, malia ser responsable das dificultades que podan ter as Caixas por un control deficiente por parte do anterior Conselleiro de Economía, do Ministerio de Economía e do BdE.

A opacidade das dúas direccións e da Xunta de Galicia durante esta fase da negociación, malia ser conscientes das consecuencias laborais da fusión, provocaron unha maior incerteza entre o persoal.

A data de hoxe, non temos constancia do número de centros de traballo afectados, da posible segregación e venda de oficinas nin do número de postos de traballo que queren amortizar.

Neste senso, queremos denunciar que a suma dos salarios das altas direccións das dúas caixas, os 21 que discuten entre eles para seguir no seu cargo, equivalen a 700 postos de traballo coa máxima categoría de convenio para o persoal administrativo que se acada tras 22 anos de servizo nas empresas. Un escándalo maior se temos en conta o diñeiro público recibido ata hoxe e o que piden.

Por todo o exposto agardamos maior firmeza por parte da Xunta de Galicia fronte ás voraces e insaciables Direccións, e que remate coa chantaxe a toda a sociedade galega por parte dos máximos directivos; o “ou sigo eu, ou non hai fusión” debe pasar á historia.

Caixanova censura os comunicados sobre o amianto

2010-04-28T17:33:00.000+02:00

Nunha fuxida cara adiante a Dirección de Caixanova censurou os dous comunicados emitidos pola CIG informando ao persoal sobre a presenza de amianto na central de García Barbon. Unha demostración do seu caracter profundamente antisindical, propio de tempos pasados, con cheiro a vello, a rancio, a caduco.

Caixanova negase a facilitar o uso sindical do correo electrónico conforme ao establecido no Convenio Colectivo, no seu lugar puxo en marcha a opción de colgar comunicados na intranet da empresa a disposición do persoal.

A Dirección negouse unha vez mais a "colgar" na intranet os comunicados da CIG, desta volta os relacionados co amianto alegando que non está de acordo co que poñemos nos mesmos. Unha censura pola que xa foi advertida pola Inspección de Traballo en casos anteriores.

Ao persoal do edificio foronlle repartidos en man polos nosos delegados/as, que estas horas seguen atendendo consultas de traballadores e traballadoras preocupados.Pero o resto do persoal, incluido o que por cuestións de traballo ten que desprazarse a OP de xeito habitual, descoñecen o ocurrido.

Ante esta situación de censura, tratando de impedir un traballo sindical que só pretende informar a todo o cadro de persoal do sucedido na OP, tomaremos todas as medidas sindicais que estimemos oportunas.

Nas obras da oficina central de Caixanova hai amianto

2010-04-27T16:30:00.000+02:00

Xa comezan a chegar os resultados da analises realizadas ás mostras recollidas nas obras da central de Caixanova en Vigo. Un edificio no que 500 traballadores e traballadoras de Caixanova comparten o seu espazo coas obras de reforma.

Hoxe coñecemos os resultados de dúas mostras, enviadas a un laboratorio independente para a súa análise, desgraciadamente unha das cales conten amianto. confirmándose polo tanto os nosos temores. Exixiremos ata as últimas consecuencias que se investigue o grao de exposición do persoal ao polvo de amianto.

Por outra parte hoxe asistimos a unha nova visita da Inspección de Traballo no edificio, onde foron recollidas mostras de materiais por parte de persoal especialista dunha empresa privada (as fotos de arriba corresponden a persoa que recolleu as mostras co traxe aillante e unha mostra cunha etiqueta de "amianto").

Nos xa temos os resultados e eles ainda están recollendo mostras, iso e dilixencia na vixilancia da saúde do persoal!!.

Seguiredes informados.

A Inspección paraliza cautelarmente as obras da central de Caixanova en Vigo

2010-04-26T19:10:00.000+02:00

Finalmente a Inspección de Traballo procedeu a paralización cautelar das obras da central na rúa García Barbon en Vigo, en tanto non se analizan os materiais presentes na estrutura do edificio subceptibeis de conter amianto.

O luns 26 de abril a Inspección xirou unha nova visita ás obras da central, desta volta acompañados por un técnico do Instituto Galego de Seguridade e Saúde Laboral.

Finalmente foi paralizada toda a obra en tanto non se procede a unha análise dos materiais.

Pola nosa parte temos remitido parte das mostras recollidas polo noso delegado de prevención a un laboratorio independente para a súa análise.

En canto teñamos a mais mínima novidade comunicarémosla a máxima brevidade ás 500 persoas que traballades na central de García Barbon.

Presentada denuncia contra Caixanova por risco de amianto

2010-04-21T08:48:00.000+02:00

O Gabinete Técnico de Saúde Laboral da CIG presentará hoxe denuncia ante a Inspección de Traballo contra Caixanova despois de que varias mostras recollidas na obra da central parezan ser amianto segundo a propia Inspección de Traballo.

Dende o inicio das obras na central de Caixanova en Vigo os delegados de prevención da CIG amosaron a súa preocupación pola posible presenza de amianto sen que Caixanova tomase as medidas para realizar a extracción coas medidas establecidas na lei para evitar riscos ao persoal das contratas, ao persoal da Caixa e á clientela. O removemento do amianto ten que realizarse en condicións controladas (ver foto) e a súa comercialización agora está prohibida.

Foron numerosas as reunións coa empresa, pero Caixanova non fixo ningunha comprobación, nin tomou medidas.

Así que os nosos delegados fixeron unha recollida de mostras (non sen ter que superar atrancos, a dirección sabía o que había no edificio) e onte a Inspección de Traballo dixo que a falta de ser analizadas semella que conteñen amianto.

O amianto, o asasino silencioso, é un dos compoñentes mais perxudiciais para a saúde. Mais ala das posibles consecuencias da denuncia (paralización da obra e desaloxo do edificio) os responsables deben ser cesados de xeito inmediato e tomaremos todas as medidas ao noso alcance para que se investiguen estes feitos ata as últimas consecuencias.

O persoal exposto pode ver afectada a súa saúde no futuro, por culpa dun aforro de custes por parte da Dirección de Caixanova, indignante.

Novo enlace lexislación

2010-04-20T14:05:00.000+02:00

Incluímos un novo enlace en lexislación, a Guía sobre amianto elaborada polo Gabinete Confederal de Saúde Laboral da CIG.

O amianto é coñecido coma o asasino silencioso, utilizado durante décadas na construcción a súa retirada debe ser realizada baixo unhas condicións controladas para evitar graves infirmidades ao persoal exposto que poden provocar incluso a morte.

Gayoso aposta por reducir servizos centrais, pechar oficinas e abrir outras a tempo parcial

2010-04-14T09:52:00.001+02:00

Mentras a alta Dirección cobra o equivalente a 277 administrativos.

Onte en Madrid o Presidentísimo de Caixanova expuso algunha das súas visión sobre o futuro da Caixa (¿Caixas?), aposta por reducir custes nun 25% a través da redución dos Servizos Centrais, pechar oficinas coincidentes e abrir outras só a tempo parcial.

Agardamos que mais ala de facer declaracións en foros económicos en Madrid, a Dirección Xeral aclare as alternativas que barallan para o futuro.

Dende a CIG seguimos lembrando que as 21 persoas que compoñen a alta dirección das dúas caixas cobran o equivalente ao que cobran 700 administrativos con nivel VIII (o nivel mais alto de convenio ao que se acede despois de 22 anos nas Caixas). Si queren recortar gastos que comecen por arriba.

Caixanova recibiu 375 millóns a través do FAAF; fixo emisión con aval público por valor de 1.600 millóns de euros (aforrando un 50% do custe da emisión e podendo colocala) e descoñecemos a cifra de diñeiro que captou do BCE.

Recibiron millóns de euros públicos para capear a crise na que meteron ás Caixas, cobran salarios insultantes e receitan recortar emprego.

Crónica dun novo atraco evitable

2010-04-13T13:43:00.000+02:00

Ás direccións nunca teñen que sufrir esto, nos sí.

A CIG reclamou insistentemente ante os responsables de Seguridade e Saúde Laboral que se implanten sensores específicos nalgunhas oficinas nas que polas súas características pode existir o risco de butróns, é dicir nas que teñen locais baleiros ao seu caron ou zonas que faciliten este tipo de intrusións.

O atraco do que foron vítimas os compañeiros/as da oficina da Garda en Pontevedra, no que un compañeiro resultou ferido, foi realizado mediante a técnica do butrón.

Agardamos que a Dirección tome nota e proceda a revisar as medidas de seguridade conforme a nosa petición, antes de que teñamos que lamentar unha desgraza persoal.

E tamén dicimos que ante a negociación aberta da fusión, na que para a CIG o emprego é o requisito fundamental, mais ala dos seus intereses unha ou doutra dirección deben ter en conta a as mellores condicións en cada unha das cuestións para que a nova Caixa sexa a suma do mellor de cada unha (que non repitan os erros da fusión das caixas do sur). Lembramos neste senso que Caixa Galicia foi recoñecida recentemente polo Ministerio de Interior por ser a entidade con menor indice de atracos e fraude electrónico. Unha mención honorífica á que Caixanova desgraciadamente non podería optar.

Celebrouse o V Congreso da nosa Federación

2010-04-13T12:09:00.000+02:00

O V Congreso da Federación da Banca da CIG estivo marcado pola crise e restruturación do sistema financeiro, nomeadamente das Caixas de Aforros e pola grave deslocalización do sector do telemarketing. Aprobouse unha resolución que avala a presentación dun posible recurso contra a aplicación do Regulamento do FROB para impedir a liquidación parcial das Caixas e a venda de rede á banca privada. O noso compañeiro Manolo González de Ourense entrou na nova Executiva, na que o compañeiro Clodo Montero de Caixa Galicia seguirá como Secretario Nacional.

O sábado 10 de marzo celebrouse na cidade de Ourense o V Congreso da Federación de Banca, Aforro, Seguros e Oficinas da CIG baixo o lema "O Valor do sindicato" co que se quixo contrapoñer os valores que representa o sindicalismo nacionalista e de clase fronte a quenes cuestionan a vixencia do sindicalismo.

Minuto de silencio

Ao inicio do acto gardouse un minuto de silencio en memoria do compañeiro Fernando Pol traballador da CIG que sempre colaborou estreitamente coa Federación e de Marcelino Gomez, historico da CIG en Caixavigo, delegado no Comité Provincial de Caixanova en Ourense que era compromisario para o propio Congreso.

A continuación, deu comezo o Congreso propiamente dito, e despois de cantar a Internacional, o secretario comarcal da CIG-Ourense, Etelvino Blanco, dirixiu unhas palabras de benvida ás e aos asistentes a este V Congreso.

Informe da Executiva e do Secretariado

Unha vez aprobado o Regulamento do Congreso por unanimidade, o secretario nacional saínte da Federación, Clodo Montero, deu lectura ao Informe da Executiva e Secretariado Nacional. No informe destacouse que a Federación segue a ter o seu núcleo central no sector financeiro, pero que hoxe organiza ao persoal de todo o sector administrativo privado, nomeadamente grazas ao medre dun 38% da afiliación nos últimos catro anos froito dunha maior atención aos distintos sectores. Este informe foi aprobado con 111 votos a favor e 3 abstencións.

A seguir, o Congreso aprobou tamén por unanimidade a proposta de Mesa Presidencial que quedou composta por Xosé Ramón González, Chelo Lago, Xosé Valcárcel, María Louro e Luis Sabuz.

Posteriormente Teresa Richard e Sefi Romero fixeron a presentación do Relatorio de Organización e as modificacións Estatutarias, que tamén foron aprobadas.

Delegacións convidadas

A sesión matinal pechouse coa intervención das delegacións convidadas, ELA (Óskar Rodríguez e Marce Murias) e LAB (Joxean Urkiola) de Euskalherria, a Comissao de Trabalhadores do BBVA de Portugal (Luis Filipe Pinto e Paulo Alves) e da AEBU (Leonardo Batalla), o sindicato de rama Uruguaio integrado na PIT-CNT. Neste senso a CIG foi convidada a participar nun cúmio sindical da Banca latinoamericana que terá lugar no mes de maio en Brasil.

Relatorio de acción sindical

Xa pola tarde Gladis Afonso e Clodo Montero foron os encargados de presentar o Relatorio de Acción Sindical, que incidiu na gravidade da crise do sector financeiro no Estado que levou a un rescate multimillonario por parte do goberno que estaría na orixe do déficit público; na defensa da lei de Caixas do Parlamento Galego, un instrumento de democratización das Caixas pero tamén de soberanía financeira e recuperación económica; no modelo de organización do traballo toiotista que se está implantando no sector financeiro; do produtivismo capitalista laboral; da grave situación que atravesa o sector de telemarketing; e da necesidade de avanzar na soberania laboral, no marco galego.

Posteriormente procedeuse a elección do Secretario Nacional, da Executiva Federal e dos/as representantes no Consello Confederal, presentandose candidaturas únicas de integración.

Clodo Montero foi reelixido Secretario con 104 votos a favor e 1 voto en branco.

A candidatura para o Consello Confederal integrada por Clodo Montero, Sefi Romero, Gladis Afonso e Paco Diéguez foi elixida con 105 votos a favor.

Nova executiva

A Executiva que foi elixida con 104 votos a favor e 1 en branco está integrada por persoas cunha longa traxectoria sindical e por cadros sindicais dos sectores emerxentes; por persoas da banca, caixas, telemárketing ou seguros, provintes de todas as zonas do país.

Esta Executiva queda integrada polas seguintes persoas: Clodo Montero de Caixa Galicia, Sefi Romero da CIG, Gladis Afonso e Pilar Cebreiro do Banco Pastor, Laura Pérez Figueroa de Bosch Telemárketing, Iria Salvande da CIG, Xabier Blanco de Axa Seguros, Manolo González de Caixanova e Miguel Fernández do BBVA.

Resolucións aprobadas

O V Congreso aprobou tres resolucións: Unha esixindo a retirada do decretazo do galego e en apoio a Iniciativa Lexislativa Popular; outra de apoio a loita que manteñen os cadros de persoal de Sykes contra a deslocalización e por último unha na que avala que a CIG estude presentar un contencioso administrativo contra o Regulamento do FROB que permite ao BdE liquidar parcialmente e vender a banca privada parte da rede actual das Caixas, na mesma resolución o V Congreso posicionouse contra a entrada de capital privado nas Caixas.

Acto de clausura

No acto de clausura do V Congreso da Federación de Banca, Aforro, Seguros, Oficinas e Telemárketing (nome completo da Federación segundo o aprobado nas modificacións estatutarias), interviron o reelixido Clodo Montero, e o secretario xeral da CIG, Suso Seixo. Ao remate destas intervencións cantouse o himno galego.

A CIG estuda levar aos tribunais o Regulamento do FROB para evitar a liquidación parcial das Caixas e a venda masiva de oficinas á banca privada.

2010-04-10T22:08:00.001+02:00

O sábado 10 de abril celebramos o V Congreso da Federación de Banca, Aforro, Seguros e Oficinas da CIG na cidade de Ourense. Aprobamos unha resolución para opoñernos con todos os medios ao noso alcance ao Regulamento do FROB elaborado pola Comisión Rectora do mesmo, que lle faculta a esta para obrigar ás Caixas Galegas a desfacerse dunha porcentaxe de oficinas maior da inicialmente prevista pola auditoria de KPMG. Na práctica unha liquidación parcial que inclue a venda dunha considerable parte da rede á banca privada, co persoal incluido. Liquidan as Caixas para engordar bancos privados.

Neste senso as nosas asesorías xurídicas xa estudan un posible contencioso administrativo contra a aplicación do Regulamento do Frob, que que non debemos confundir co Real Decreto do FROB que xa foi recorrido pola Xunta de Galicia.

Nestes tempos nos que se fala de recortes de emprego asociados á fusión, que tratan de xustificar coa delicada situación económica das Caixas, queremos lembrar:

• O que declararon que cobraban as 8 persoas da alta dirección de Caixa Galicia no 2008, equivale ao salario de 422 persoas.

• O que declararon que cobraba a alta dirección de Caixanova no mesmo ano, equivaldría ao salario se 277 persoas.

Si o Banco de España quere recortes que cese aos equipos directivos como estaba previsto no Real Decreto, pero que que non veña a polos nosos postos de traballo.

*Calculos realizados para o salario dun nivel VIII a máxima categoría en Convenio dentro da escala administrativa e conforme ás taboas salariais dese mesmo ano.

Encontro na terceira fase (da desaparición das caixas galegas)

2010-03-26T18:21:00.000+01:00

Nos informan que Zarrías, Jose Luis Pego e Abel Caballero estiveron hoxe nun reservado no restaurante Timón en Samil.

De ser certa a noticia o andaluz elexido polo goberno central para bloquear a negociación sobre o recurso presentado contra a Lei de Caixas de Aforros do Parlamento Galego, o Director Xeral de Caixanova (co permiso do seu Presidente) e o infausto alcalde de Vigo, compartiron un agradable encontro a beira do mar.